_pictogram.svg.png.webp){kind=small}
.svg.png.webp){kind=small}
Simon Philip Yates (7 d'agostu de 1992, Bury) ye un deportista británicu que compite en ciclismu na modalidá de pista, especialista na prueba de puntuación, anque tamién participa en carreres de ruta.
Ganó una medaya d'oru nel Campeonatu Mundial de Ciclismu en Pista de 2013, na carrera por puntos.[1]
En carretera los sos meyores resultaos fueron una victoria d'etapa de la Vuelta a España 2016, nun percorríu de 163 km ente Monforte de Lemos y Nogueira de Ramuín,[2] y la victoria en tres etapes del Giro d'Italia 2018.[3]
Biografía
Destacó en 2013 corriendo pal equipu nacional británicu. Xunto col so hermanu ximielgu Adam compitió nel Tour de l'Avenir, onde ganó la quinta etapa. Simon añadió otra victoria d'etapa a otru día y terminó décimu na clasificación xeneral. Depués foi escoyíu como parte del equipu británicu pa participar na Vuelta a Gran Bretaña, onde ganó la sesta etapa. Yates terminó terceru na xeneral y foi'l meyor sub-23.
En 2014 xunióse al equipu australianu de categoría UCI ProTeam Orica-GreenEDGE. En 2015 clasificóse en quinta posición na Vuelta al País Vascu y el Critérium del Dauphiné.
En 2016 na París-Niza ocupó'l séptimu llugar de la clasificación xeneral. N'abril revelóse que dio positivu nun control antidopaxe realizáu mientres Parir-Niza por terbutalina, al nun pidir el correspondiente TUE (Autorización d'Usu Terapéuticu) pal so inhalador d'asma.[4] Finalmente recibió una sanción por parte de la UCI de namái cuatro meses al tratase d'un «error alministrativu».[5] N'agostu d'esi añu, y tres el so remanecimientu, consiguió una etapa de la Vuelta a España, amás de ser sestu na xeneral final.[2]
En 2018 asítiase como oxetivos el Giro d'Italia y la Vuelta a España. Na prueba italiana llogra una destacada actuación ganando tres etapes y siendo líder de la Corsa Rosa. Sicasí, perdió'l lideralgu na antipenúltima etapa por un esflaquecimientu na ascensión a la Visu Coppi, cuando s'atopaba con 28 segundos de ventaya respeuto al segundu clasificáu, perdiendo más de 45 minutos con Chris Froome, ganador de la etapa y a lo postrero maglia rosa.[6] Remató'l Giro na posicion 21ª a más d'hora y cuartu del ganador.
Medayeru internacional
| Campeonatu Mundial | |||
|---|---|---|---|
| Añu | Llugar | Medaya | Competición |
| 2013 | Minsk ( Bielorrusia) |
 |
Puntuación |
Palmarés
Pista
2013
- Campeonatu Mundial Carrera por Puntos
Ruta
|
2011
2013
2014
2016
2017
|
2018
2019
|
Resultaos nes grandes vueltes y campeonatos del mundu
| Carrera | 2014 | 2015 | 2016 | 2017 | 2018 | 2019 |
|---|---|---|---|---|---|---|
| Giro d'Italia | - | - | - | - | 21ᵘ | 8ᵘ |
| Tour de Francia | Ab. | 89ᵘ | - | 7ᵘ | - | - |
| Vuelta a España | - | - | 6ᵘ | 44ᵘ | - | - |
| Mundial en Ruta |
Ab. | - | - | - | - | - |
-: nun participa
Ab.: abandonu
Referencies
- ↑ «Simon Yates» en The-Sports.org (n'inglés).
- 1 2 «Simon Yates gana la última etapa en Galicia con una gran estratexa». El País, 26 d'agostu de 2016.
- ↑ «¡Simon Yá...trés!». Marca, 20 de mayu de 2018.
- ↑ «Simon Yates dio positivo en la París-Niza por fallo del Orica» (castellanu). As (29 d'abril de 2016). Consultáu'l 22 de xunetu de 2019..
- ↑ «Simon Yates, 4 meses de sanción» en biciciclismo.com, 17 de xunu de 2016.
- ↑ Froome dinamita la carrera y Simon Yates se hunde en la clasificación
Enllaces esternos
- Simon Yates – ProCyclingStats
Wikimedia Commons acueye conteníu multimedia sobre Simon Yates.
- Ficha en sitiodeciclismo.net
| Control d'autoridaes |
|
|---|
Datos: Q3328610- Multimedia: Simon Yates