Sergio Agüeros | |
|---|---|
| Vida | |
| Nacimientu | Torrelavega, 21 de febreru de 1975 (49 años) |
| Nacionalidá |
 España |
| Estudios | |
| Llingües falaes | castellanu |
| Oficiu | cantante de tonada |
 | |
Sergio Agüeros González (21 de febreru de 1975, Torrelavega) ye un cantante de tonada.
De neñu viviera nel pueblu cántabru de Cires, onde la tonada formaba parte del ambiente familiar.
Como ye habitual, entamó a participar nos concursos de tonada (ganando en delles ocasiones la Muestra de Folklore Ciudá d'Uviéu o el de la Canción Cántabra) y a destacar como una de les voces más moces y renovadores de la mesma.
Sergio comenzó la so carrera na tonada asturiana siendo un guaḥe de 13 o 14 años, peles rúes de Torlavega, pero creó toles lletres de tonada asturiana viviendo en Lamasón, conceyu del occidente de Cantabria llindante con Asturies, onde tien más puxu la tonada asturiana que la cántabra. Por esi motivu, los familiares y vecinos de Sergio siempre-y afalaron a aprender a cantar bien.
En 2005 se criase'l grupu Tanea, compuestu por Sergio Agüeros, Nando Agüeros y Pedro Pablo Cossío (cantantes de tonada) y Ana y Arancha (voces y panderetes).
Sergio Agüeros vien formando parte de la rellación de les meyores voces del añu del Memorial Silvino Argüelles.
Discografía
En 2004 Sergio Agüeros asoleyó'l so primer discu en solitariu, tituláu «Adios puebliquín de Cires», con gran éxitu de ventes n'Asturies, Llión y nel occidente cántabru.
En 2006, xunto col so hermanu Nando Agüeros grabaron el discu conxuntu llamáu «Aquel niño que yo fui».
En 2009 apaez el primer trabayu baxo'l nome de Tanea, col títulu de «Los que perdieron el Norte».
En xunu de 2012 Tanea vuelve a publicar otru discu llamáu «Acuérdate», nel que la mayoría de les canciones interprétales el so hermanu José Fernando. Nesti últimu discu collaboren Víctor Manuel (interpretando la canción «Vientu del Norte») y David Bustamante (interpretando «La Santina»). Tarmien Nando Agüeros interpreta dientro del discu «Acuérdate» la canción «Paxarinos», de Víctor Manuel.
Referencies
Enllaces esternos
- Páxina web del grupu Tanea
