Inicio

Scott ye'l más nuevu de siete hermanos. Nació en Cottage Grove, Minnesota, fíu de Patricia Ann, una ama de casa y William Frank Scott, obreru.^[1] Mientres taba na Universidá de Wisconsin-Madison, el mayor de los sos hermanos, Daniel, ayudólu a fundar The Onion, onde foi unu de los primeros escritores.^[2] Decidió ser actor cuando trabayaba nuna sala de cine local. Vía toles películes que podía nel so tiempu llibre. Graduóse na Escuela Primaria Crestview y Park High School. Dempués de la so graduación, asistió a Glendale Community College.^[3] La so primer actuación profesional foi en televisión, nel videu musical de Hole in My Soul d'Aerosmith. Poco dempués del videu, apaeció nel programa Chad's World, un programa de televisión de temática gai espublizáu na web pola efímera Digital Entertainment Network.

Carrera

Empezó la so carrera como actor nos teatros de Broadway, actuando en delles comedies musicales. El primer ésitu comercial de Scott llegó en 1999 cola película American Pie como Steven Stifler, un papel qu'interpretó en cuatro secueles American Pie, American Pie 2, American Wedding y American Reunion Mientres una entrevista pa la BBC Radio 1 cuntó que namái cobró 8.000 dólares por esa primer película. Anque'l personaxe de Steve Stifler marcó un finxu, l'actor mentó en diverses entevistes que la so medrana a encasillarse llevó-y a escoyer interpretar distintos tipos de personaxes. Dempués de American Pie, fixo d'estudiante na película Destín final y un personaxe inofensivu como Chester en Dude, Where's my Car? al pie del so meyor amigu de la vida real, Ashton Kutcher.^{[ensin referencies]}

Fixo una apaición en Jay and Silent Bob Strike Back como baxista y activista de los derechos de los animales. Como un axente de policía protagonizó Southland Tales, onde se realcuentra col actor Dwayne Johnson. Scott foi co-presentador de los MTV Movie Awards 2003, xunto con Justin Timberlake. Los dos fixeron asonsañaron delles escenes de The Matrix Reloaded, con un ésitu tan grande qu'inclusive eses parodies recoyer nel DVD de la película. Tamién participó en Saturday Night Live y apaeció como co-anfitrión convidáu en En direuto con Regis y Kelly.

En 2010 participó nuna comedia d'aición xunto a Bruce Willis, Tracy Morgan, Jim Norton y Adam Brody llamada Cop Out.^[4] Y nel 2010 participó en Jackass 3D.