El sistema de Saturnu. La lluna más prominente enfrente de Saturnu ye Rea. A mandrecha y debaxo de Saturnu alcuéntrase Tetis. A la drecha de los aniellos de Saturnu, y amosando'l prominente cráter Herschel afáyase Mimas. A esquierda de Saturnu ta Encéladu. Na estaya superior-esquierda, alcontramos Dione, y caberamente na estaya superior-derecha ta allugáu Titán, la lluna más grande de Saturnu.

Imaxe de los aniellos de Saturnu cruciando per delantre de la media lluna creciente de Titán, cola pequeña lluna Encéladu al Sur. Puede columbrase nel polu sur d'esta lluna, una sonce estaya lluminosa, que correspuende a la faza xelada de la mesma.

Saturnu tien un gran númberu de satélites (59), que'l mayor d'ellos, Titán, ye la única lluna del Sistema Solar con una atmósfera importante. El sistema de satélites de Saturnu ufre dellos exemplos de dinámica orbital abondo interesantes, talos como satélites coorbitales, satélites troyanos y satélites pastores. Dalgunos satélites tamién s'alcuentren en resonancia ente sí.

Los satélites conocíos enantes del entamu de la investigación espacial son: Mimas, Encéladu, Tetis, Dione, Rea, Titán, Hiperión, Xápetu y Febe

Nel añu 2004 deteutaren 12 nuevos satélites, que les sos órbites suxeren que son zasmes d'oxetos mayores capturaos por Saturnu, y la so existencia se confirmare pola misión Cassini/Huygens; esta misión tamién descubrió delles llunes.

Greyos de satélites

Los satélites de Saturnu pueden dixebrase en dellos greyos:

• Titán: El satélite más grande de Saturnu, de tamañu planetariu; mayor que Mercuriu. Tien una atmósfera abondo trupa. Ye l'únicu que puede amosar el so discu aparente a los aficionaos, (ye necesario emplegar un telescopiu con diámetru superior a los 200 mm d'apertura, con más de 300 aumentos; nes meyores oposiciones namái llega a midir 0,88 segundos d'arcu).

• Satélites medianos xelaos. Son satélites de tamañu medianu, toos descubiertos al traviés d'observaciones telescópiques: Mimas, Encéladu, Tetis, Dione, Rea, Hiperión y Xápetu. Toos tienen superficies ensamaes por xelos, y tán altamente craterizaos.

• Llunes d'aniellu: Pequeñes llunes qu'orbiten dientro de los aniellos de Saturnu, creando rexones aparentemente llimpies de material. L'exemplu más conocíu ye Pan, qu'ayuda a crear la división d'Encke. Otra pequeña lluna (S/2005 S 1) ye responsable pola división de Keeler.

• Satélites pastor: Son satélites que les órbites tán metanes xunto del sistema d'aniellos del planeta, y que contribúin a modelar la cadarma d'estos. Prometéu y Pandora ayuden a modelar l'aniellu F.

• Satélites troyanos: Los satélites troyanos orbiten a la mesma distancia de Saturnu, pero a 60º delantre o darrera de dalguna de les llunes mayores. Por exemplu, Telestu y Calipsu son troyanos de Tetis, y Helena y Polideucu (descubiertu pola misión Cassini/Huygens) son troyanos de Dione.

• Satélites coorbitales: Son satélites que comparten la mesma órbita, por exemplu Xanu y Epimetéu, ello provocó confusión nel so descubrimientu, darréu que se camentó nun solu satélite. Arriendes, presenten na so dinámica orbital un fechu curiosu d'intercambéu, evitando'l choque mutuu.

• Satélites irregulares. Ye'l greyu más numberosu, del que'l miembru más grande ye Febe; el restu consiste de pequeñes llunes (pocos quilómetros de diámetru) orbitando a grandes distancies de Saturnu. Al empar, esti greyu puede dixebrase entá más en families, como'l greyu Inuit, el greyu Norse y el greyu Gallic.

• Satélites interiores menores. Satélites pequeños qu'orbiten ente Mimas y Encéladu, como Metone y Palene, recientemente afayaos pola misión Cassini/Huygens.

Nome	Radiu orbital mediu (km)	Periodu orbital (díes)	Diámetru(km)	Magnitú aparente	Imaxe
Pan	133.600	0,575	20	${\displaystyle 19^{m}.4}$
Dafnis	137.000	-	6,5	-
Atlas	137.670	0,6019	37×34×27	${\displaystyle 18^{m}.1}$
Prometéu	139.350	0,613	48×100×68	${\displaystyle 16^{m}.5}$
Pandora	141.700	0,629	110×88×62	${\displaystyle 16^{m}.3}$
Epimetéu	151.420	0,694	194×190×154	${\displaystyle 14^{m}.5}$
Xanu	151.470	0,695	138×110×110	${\displaystyle 15^{m}.5}$
Mimas	185.540	0,9417	194×190×154	${\displaystyle 12^{m}.9}$
Metone	aprox. 194.000	1,0083	3	-
Palene	aprox. 211.000	1,1417	4	-
Encéladu	238.040	1,370	499	${\displaystyle 11^{m}.8}$
Tetis	294.670	1,888	1046	${\displaystyle 10^{m}.3}$
Telestu	294.670	1,888	30×25×15	${\displaystyle 19^{m}.0}$
Calipsu	294.670	1,888	30×16×16	${\displaystyle 18^{m}.5}$
Dione	377.420	2,737	1118	${\displaystyle 10^{m}.4}$
Helena	377.420	2,737	36×32×30	${\displaystyle 18^{m}.5}$
Polideucu	377.396	2,736915	3,5	${\displaystyle$ ?}
Rea	527.040	4,518	1528	${\displaystyle 9^{m}.7}$
Titán	1.221.850	15,495	5150	${\displaystyle 8^{m}.4}$
Hiperión	1.464.100	21,280	360×280×225	${\displaystyle 14^{m}.2}$
Xápetu	3.561.300	79,330	1436	${\displaystyle 10^{m}.0}$ (var.)
Kiviuq	11.365.000	449,22	14	${\displaystyle 22^{m}.0}$
Ijiraq	11.442.000	451,47	10	${\displaystyle 22^{m}.6}$
Febe	12.952.000	550,479	230×220×210	${\displaystyle 16^{m}.5}$
Paaliaq	15.198.000	686,94	20	${\displaystyle 21^{m}.3}$
Skadi	15.641.000	728,18	6	${\displaystyle 23^{m}.6}$
Albiorix	16.394.000	783,47	26	${\displaystyle 20^{m}.5}$
Erriapu	17.604.000	871,25	8	${\displaystyle 23^{m}.0}$
Siarnaq	18.195.000	895,55	32	${\displaystyle 20^{m}.1}$
Tarvos	18.239.000	926,19	13	${\displaystyle 22^{m}.1}$
Narvi	18.719.000	956,19	7	${\displaystyle 23^{m}.9}$
Mundilfari	18.722.000	951,56	6	${\displaystyle 23^{m}.8}$
Suttung	19.465.000	1016,51	6	${\displaystyle 23^{m}.9}$
Thrym	20.219.000	1091,76	6	${\displaystyle 23^{m}.9}$
Ymir	23.130.000	1315,33	16	${\displaystyle 21^{m}.7}$

Llista de Llunes

1. Ægir
2. Albiorix
3. Atlas
4. Bebhionn
5. Bergelmir
6. Bestla
7. Calipsu
8. Dafne
9. Dione
10. Encéladu
11. Epimetéu
12. Erriapu
13. Farbauti
14. Febe
15. Fenrir
16. Fornjót
17. Hati
18. Helena
19. Hiperión
20. Hyrokkin
21. Ijiraq
22. Xanu
23. Xápetu
24. Kari
25. Kiviuq
26. Loge
27. Mimas
28. Metone
29. Mundilfari
30. Paaliaq
31. Narvi
32. Pan
33. Palene
34. Pandora
35. Polideucu (Pollux, Pólux)
36. Prometéu
37. Rea
38. Siarnaq
39. Skadi
40. Skoll
41. Surtur
42. Suttung
43. Tarvos
44. Telestu
45. Tetis
46. Thrym
47. Titán
48. Ymir
49. S/2004 S7
50. S/2004 S12
51. S/2004 S13
52. S/2004 S17
53. S/2006 S1
54. S/2006 S3
55. S/2006 S4
56. S/2006 S6

Notes sobro los nomes

Dalgunos asteroides comparten el nome con dalguna de les llunes de Saturnu: (55) Pandora, (106) Dione, (577) Rhea, (1809) Prometéu, (1810) Epimetéu, (4450) Pan.

Ver tamién

Saturnu

Referencies

Enllaces esternos

• Páxina sobro les llunes de Saturnu(n'inglés)