Satélite natural
tipu d'oxetu astronómicu
Símbolu astronómicu
Parte de	sistema planetariu

Les llunes del Sistema Solar a escala comparaes cola Lluna de la Tierra

Denómase satélite natural o lluna a cualesquier oxetu qu'orbita alrodiu d'un planeta. Xeneralmente'l satélite ye muncho más pequeñu y fai compaña al planeta na so evolución alrodiu del Sol.

Nel casu de la Lluna, tien una masa asemeyada a la de la Tierra, que podría considerase como un sistema de dos planetes que xiren xuntos (planeta duble). Talu ye'l casu de Plutón y el so satélite Caronte. Si dos oxetos tienen mases asemeyaes, suel falase d'sistema binariu en llugar d'un oxetu primariu y un satélite. El criteriu pa considerar un oxetu como satélite ye que'l centru de mases del sistema ensamáu polos dos oxetos tea dientro del oxetu primariu. El puntu más eleváu de la órbita del satélite conozse como apoápside.

Nel Sistema Solar, los nomes de los satélites son personaxes de la mitoloxía, sacante los d'Uranu que son personaxes de distintes obres de William Shakespeare.

Por estensión, nómase llunes a los satélites d'otros planetes. Dizse: los cuatro satélites de Xúpiter, pero tamién, les cuatro llunes de Xúpiter. Tamién se noma satélite natural o lluna a cualesquier cuerpu natural que xire alrodiu d'un cuerpu celeste, magar que nun seya un planeta, como ye'l casu de la lluna asteroidal Dactyl xirando alrodiu del asteroide (243) Ida, etc.

Clasificación de los satélites nel Sistema Solar

Órbita satelital

Nel Sistema Solar pueden clasificase los satélites según:

• Satélites pastores: Cuando caltién dalgún aniellu de Xúpiter, Saturnu, Uranu o Neptunu.
• Satélites troyanos: Cuando un planeta y un satélite importante tienen nos puntos de Lagrange L₄ y L₅ otros satélites.
• Satélites coorbitales: Cuando xiren na mesma órbita. Los satélites troyanos son coorbitales, pero tamién lo son, los satélites de Saturnu Xanu y Epimetéu que disten nes sos órbites menos del so tamañu y n'arróu de chocar, intercambeen les sos órbites.
• Satélites asteroidales: Dalgunos asteroides tienen satélites al so alrodiu como (243) Ida y el so satélite Dactyl. El 10 d'agostu de 2005 asoleyóse'l descubrimientu d'un asteroide (87) Silvia que tien dos satélites xirando al so alredor, Rómulu y Remu. Rómulu, la primera lluna, descubriose el 18 de febreru de 2001 nel telescopiu W. M. Keck II de 10 metros en Mauna Kea. Tien 18 km de diámetru y la so órbita, a una distancia de 1370 km de Silvia, tarda en completase 87,6 hores. Remu, la segunda lluna, tien 7 km de diámetru y xira a una distancia de 710 km, tardando 33 hores en completar una órbita alrodiu de Silvia.

El términu satélite natural ye contrapuestu al de satélite artificial, oxetu que xira en tornu a la Tierra, la Lluna o dalgunos planetes y que ye fabricáu pol home.

Darréu que tolos satélites naturales siguen la so órbita, per aciu de la fuercia de la gravedá, el movimientu del oxetu primariu tamién tá afeutau pol satélite. Esti ye'l fenómenu que permite el descubrimientu de planetes estrasolares.

Toles mases qu'ensamen el Sistema Solar, inclusive la Tierra, son satélites del Sol, o satélites d'esos oxetos, como la Lluna.

Satélites nel Sistema Solar

Nos planetes y planetes nanos del Sistema Solar, conócense 166 satélites, distribuyíos:

• 1 na Tierra, la Lluna
• 2 en Marte: Deimos y Fobos

• 40 (más 23 ensin nome) en Xúpiter: Adrastea, Aitné, Amaltea, Ananké, Aœdé, Arché, Autónoe, Caldona, Calé, Cálice, Calírroe, Calistu, Carmé, Carpu, Cyllène, Elara, Érínome, Euante, Eukélade, Euporia, Eurídome, Europa, Ganímedes, Harpálice, Hégémone, Hélicé, Hermipé, Himalia, Ío, Isonoé, Kallichore, Kore, Leda, Lisitea, Mégaclité, Metis, Mnemea, Ortosia, Pasífae, Pasítea, Praxídice, Sinopé, Spondé, Táigete, Tebe, Temistu, Thelxinoé, Tioné, Yocasta.

• 35 (más 21 ensin nome) en Saturnu: Ægir, Albiorix, Atlas, Bebhionn, Bergelmir, Bestla, Calipsu, Dafnis, Dione, Encélado, Epimetéu, Erriapu, Farbauti, Febe, Fenrir, Fornjót, Hati, Helena, Hiperión, Hyrokkin, Ijiraq, Kari, Kiviuq, Loge, Metone, Mimas, Mundilfari, Narvi, Paaliaq, Palene, Pan, Pandora, Polideucu, Prometéu, Rea, Siarnaq, Skadi, Skoll, Surtur, Suttung, Tarvos, Telestu, Tetis, Thrym, Titán, Xanu, Xápetu ya Ymir

• 27 n'Uranu: Ariel, Belinda, Bianca, Calibán, Cordelia, Cresida, Desdémona, Esteban, Miranda, Oberón, Ofelia, Porcia, Prósperu, Puck, Rosalinda, Setebos, Sicorax, Titania, Trínculu, Umbriel, Xulieta.

• 9 (más 4 ensin nome) en Neptunu: Despina, Galatea, Larisa, Naiad, Nereida, Protéu, Talasa, Tritón.

• 3 en Plutón (Planeta nanu): Caronte, Nix e Hidra
• 1 n'Eris (Planeta nanu): Disnomia

Los planetas Mercuriu y Venus nun tienen dengún satélite natural. Sucesives misiones non tripulaes, aumentaren cada ciertu tiempu estes cifres al asoleyar nuevos satélites, y entá pueden facelo nel futuru.

Referencies

Enllaces esternos

• Wikimedia Commons tien conteníu multimedia tocante a Satélite natural.