Exemplu de románicu cultu internacional en Llangréu

La ruta Xacobea de Tarna ye una ruta histórica del Camín de Santiago del Norte que siguió'l cursu del ríu Nalón dende'l Puertu de Tarna hasta Uviéu, pasando pelos conceyos de Casu, Sobrescobiu, Llaviana, Samartín del Rei Aurelio y Llangréu. Ye una vía ensin incluyir oficialmente nel Camín de Santiago anguaño^[1] por cuenta de que tres l'Alta Edá Media esti camín foi cayendo en desusu hasta'l completu olvidu.

Historia

Según numberosos estudios,^[2] sobre'l llamáu Camín Real de Llangréu establecióse una vía xacobea procedente de Llión, dende'l Puertu de Tarna hasta Uviéu. Nun se sabe si ésti de la mesma siguía una calzada romana qu'anguaño non se caltién.

Especialmente mientres l'Alta Edá Media esti camín sufriría una importante arribación de pelegrinos, como demuestren dellos documentos o la esistencia na zona del altu Nalón d'agospeos que, tres l'abandonu del camín, seríen usaos como malaterías. El camín ta chiscáu entá güei de restos arqueolóxicos que refuercen estes hipótesis, ente ellos el Castiellu de Villamorey, que perteneció a la Orde de Santiago, los torrexones d'El Condáu, La Quintana y Lluniego, el románicu de les ilesies de San Nicolás de Villoria y San Esteban de Ciañu, y les pontes medievales d'Lluniego y El Puente d'Arcu, amás d'otres referencies a pontazgos, ilesies o monesterios que güei non se caltienen.

Referencies

Bibliografía

• VVAA: Les rutes transmontanas del Camín de Santiago: de les tierres de Llión a Uviéu pol Puertu de Tarna. La Pegarata. Llaviana 2012.