Ruma Barbero
Vida
Nacimientu Somió, 3 de febreru de 1971 (53 años)
Nacionalidá España
Estudios
Estudios Universidá de Salamanca
Llingües falaes castellanu
asturianu
Oficiu dibuxante, músicu, profesor
Emplegadores El Comercio
Les Noticies
Miembru de Felpeyu
Cambiar los datos en Wikidata

Rumaldo Antón Barbero de Diego (3 de febreru de 1971, Somió) ye un dibuxante asturianu de cómic y músicu. Ente 1990 y 1995 algama la llicenciatura en "Belles Artes" na especialidá d'escultura pola Universidá de Salamanca.

Ruma Barbero ye fundador nel añu 1991, del grupu musical Felpeyu xunto col tamién dibuxante Igor Medio, fundación que tuvo llugar en Salamanca, ciudá na que los dos músicos estudiaben belles artes; tamién participaron nel entamu del grupu los hermanos gallegos Castor y Félix Castro. El llabor de Ruma dientro del grupu yera de percusionista. Tamién collaboró nel tarrén musical col grupu Los Ciquitrinos.

1996 Cofundador de la editorial "Cactus Comics", na que tamién participaron Ígor Medio, Javi Rodríguez, Andrea Parissi y Son. La editorial Cactus Comics publicó dalgunos de los títulos más destacaos del cómic asturianu nesa dómina “Little Memo”, “Los Aguarones”, “Anselmo Ensombras” y “Love Gun”. Igualmente collaboró cola revista El Llapiceru y nel periódicu Les Noticies con una tira dando la so peculiar visión de l'actualidá asturiana titulada Marcianaes. Ente les collaboraciones de Ruma colos medios de comunicación, más allá de lo especialmente rellacionao col cómic, destaquen les sos collaboraciones col diariu xixonés El Comercio; el diariu independiente, yá desapaecíu, Güei; la revista Interferencies, l'Anuariu de la Música Asturiana, publicación na que realiza la primer fotonovela n'asturianu conocida.

Profesor de secundaria entre los años 1996 y 1998.

Xunto a Xosé Antón García-Sampedro, conocíu como "Son" gana dellos premios autonómicos de cómic como “El Llapiceru”.

Na so faceta como diseñador gráficu, destaquen les carátules de los discos de Felpeyu, La Bandina, DRD, Verdasca, Blima, Tuenda, Duerna, "Música Tradicional d'Allande", "Música Tradicional en conceyu Ḷḷena" o "Música Tradicional en concechu Quirós". Asina mesmo ye autor de bien de cartelos teatrales pa la compañía Nun Tris, o de conciertos y festivales de música.

En (2009) gana'l premiu "Alfonso Iglesias" de cómic por "Manzajú", una novela gráfica autobiográfica.

A mediu camín ente'l cómic y el diseñu gráficu ta'l Cómic-CD de Los Ciquitrinos “Faciendo l'indio” (2009) del que tamién ye autor.

Dende 2011 publica'l fanzine/dixital "Aguantando Cachones", con obra inédita y recopilación de trabayos anteriores.

Miembru "fundidor" de la revista-web satírica "Fundición Príncipe de Astucias", setiembre de 2012.

N'avientu de 2012 edita "La Chelita. El Salvador 1992". Una novela gráfica a partir de les vivencies y testimonios de cooperantes internacionales y veteranos de la guerrilla salvadoriana. Con esti trabayu Ruma Barbero algamaría'l Premiu al Meyor Llibru n'Asturianu de 2012 que concede la Tertulia Malory[1]. Un añu más sero, asoleya "Aguantando cachones" (Tierra Llibros) que recueye en papel les historietes que vino presentado nel so blogue dende l'añu 2011 hasta'l mes de xunetu de 2013[2]

Otra estaya a destacar del so trabayu ye'l so llabor como lletrista pa grupos como “Felpeyu”, “Los Ciquitrinos”, “Tejedor”, “Blima”, “Pandereteres de Fitoria”, "Vrienden" y pa los proyeutos “Aire” y "Bestiariu".

Publicaciones

  • -Los Aguarones “ Operación Urriellu 1 ” ( Cáctus cómics ) cómic-book, 1996
  • -Los Aguarones “ Operación Urriellu 2 ” ( Cáctus cómics ) cómic-book, 1997
  • -Interferencias ( Interferencias ) Cd recopilatoriu de grupos de Xixón+cómic-book, 1997
  • -Los Aguarones “ Operación Urriellu 3 ” ( Cáctus cómics ) cómic-book, 1998
  • -Los Aguarones “ Perres a puntapala ” ( El llapiceru del antifaz) cómic-book, 1998
  • -Collaboraciones na revista “ Interferencias ” de 1997 a 1999
  • -Tira selmanal a color nel periódicu “ Güei ” de 1998 a 2001
  • -Collaboraciones nel “Anuariu de la música asturiana “ de 2001 a 2005
  • -Tira selmanal a color nel periódicu “ Les Noticies ” de 2004 a 2010
  • -Los Ciquitrinos “ Faciendo l'indio ” ( Ca la Miti ) cómic-book+CD 2009
  • -Ilustraciones y cómic nel llibru de testu “Llingua 3” ( VTP Editorial 2010 )
  • -Manzajú ( Suburbia Ediciones ) novela gráfica, 2010
  • -Ilustraciones y cómic nel “Métodu de gaita de gaita pa neños y neñes” ( Ámbitu ) 2011
  • -La Chelita. El Salvador 1992 (Tierra Llibros) novela gráfica, 2012
  • -La Chelita. El Salvador 1992 (Dolmen Editorial) novela gráfica, 2013
  • -Aguantando cachones (Tierra Llibros) recopilatoriu de les páxines del blog Aguantando Cachones, 2013
  • -Dibuxando un camín (Conseyería d'Educación Cultura y Deporte del Principáu d'Asturies) álbum compartíu, 2014
  • -Ilustraciones del llibru "Tatuaxes Nel Corazón" de Marisa López Diz, VI Premiu María Josefa Canellada de lliteratura Infantil y Xuvenil (Impronta) 2014
  • -Ilustraciones del llibru "Caleya Sésamu" de Damián Barreiro, XX Premiu Máximo Fuertes Acevedo d'Ensayu (Impronta) 2015
  • -Moyando'l Culu 2015 (Tierra Llibros) recopilatoriu de les tires de la web Moyando'l Culu, 2015
  • -Herr Manes( Truco Espárrago ) cómic-book+CD 2015

Premios

  • Premiu Comarca de la sidra 2003, de cómic n'asturianu, por «Marcianaes».
  • Premiu Alfonso Iglesias 2009, de cómic n'asturianu de la Conseyería d'Educación Cultura y Deporte del Principáu d'Asturies, por «Manzajú».
  • Premiu al Meyor Llibru n'Asturianu, concedíu pola Tertulia Malory 2012, por «La Chelita».
  • Premiu Alfonso Iglesias 2015, de cómic n'asturianu de la Conseyería d'Educación Cultura y Deporte del Principáu d'Asturies, por «El Viaxe a la lluz».
  • Premiu Alfonso Iglesias 2019, de cómic n'asturianu de la Conseyería de Cultura, Política Llingüística y Turismu del Principáu d'Asturies, por "Seltegu"[3]

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.