Actor

Howard dar a conocer por interpretar a Winthrop Paroo na versión cinematográfica de Vivir Con Ilusión, con Robert Preston y Shirley Jones. Dempués d'esti proyeutu, participó como Opie Taylor na serie de televisión The Andy Griffith Show, que foi l'esitosu spin-off de The Danny Thomas Show, onde yera acreditáu como Ronny Howard. Tamién apaeció nel filme The Courtship of Eddie's Father, con Glenn Ford. Amás fixo una participación notable na popular serie M*A*S*H, interpretando a un marín na guerra de Corea.

Cuando yera neñu, participó nel capítulu de 1964 Cry Uncle de la serie famosa de los años 60's The Fugitive con David Janssen y onde tenía'l papel de Gus un neñu güérfanu que taba nuna finca/allugue. Nesi entós yera conocíu como Ronny Howard.

Howard ye conocíu pol so papel de Richie Cunningham na serie Happy Days. Coles mesmes participó na película de George Lucas, American Graffiti, interpretando a Steve Bollander. En 1977, dirixó'l so primer filme, Grand Theft Auto.

Direutor

Dempués de dexar Happy Days en 1980, dirixó delles series de televisión. El saltu a direutor de cine asocedió en 1982 cuando dirixó l'esitosu filme Night Shift, con Michael Keaton, Shelley Long, y el co-protagonista de Happy Days, Henry Winkler.

Dirixó munchos filmes de sonadía, como Splash, Willow, Cocoon, Fogarales (Backdraft), Apollo 13 (nomada a dellos Premios de l'Academia), A Beautiful Mind, pola cual ganó l'Óscar al meyor direutor, y Cinderella Man. Los sos dos últimos filmes fueron les adautaciones cinematográfiques de The Da Vinci Code y la so secuela Angels & Demons, películes de gran discutiniu cultural y relixosa, protagonizaes por Tom Hanks, quien trabayó en delles producciones de Howard: Splash (1984), Apolo XIII (1995), The Da Vinci Code (2006), Ánxeles y Demonios (2009).

Premiu Óscar

Globu d'Oru

Premios BAFTA