Entamu y primeros roles

Moreno empezó les sos primeres clases de baille depués de camudase a Nueva York con un baillarín español conocíu como Paco Cansino, quien yera tíu paternu de la estrella del cine Rita Hayworth.^[11] A los 11 años, emprestó la so voz pa les versiones n'español de múltiples películes americanes. A los 13 yá tuvo'l so primer papel en Broadway, como «Angelina» en Skydrift, lo que llamó l'atención de los cazatalentos de Hollywood.

Rita Moreno apaeció en pequeños papeles en películes como The Toast of New Orleans^[12] y Singin' in the Rain, na qu'interpretaba a la estrella «Zelda Zanders». En marzu de 1954, Moreno foi destacada na portada de la revista Life col títulu «Rita Moreno: Catálogu d'actrices del sexu y l'inocencia».^[13][14]En 1956, tuvo un papel secundariu na versión cinematográfica de El rei y yo , pero nun-y gustaba la mayoría de los sos otros trabayos mientres esti periodu.^[15]

West Side Story

En 1961, Moreno consiguió'l papel de «Anita» na película de Robert Wise y Jerome Robbins, West Side Story. Una adautación cinematográfica del musical de Broadway col mesmu nome de Leonard Bernstein y Stephen Sondheim. El personaxe de «Anita» fuera interpretáu por Chita Rivera en Broadway. Rita ganó l'Óscar a la meyor actriz de repartu por esi papel.^[16]

Rita Moreno, 1963

Dempués de ganar l'Óscar Moreno pensó que sería capaz de siguir desempeñando papeles nel cine menos estereotipaos, pero foi decepcionada.

«Ja, ja. Demostrar. Dempués de ganar l'Óscar nun fixi otra película mientres siete años... Antes de West Side Story taben siempres ufiertándome papeles estereotipaos de llatines. Les Conchitas y Lolitas nos westerns. Siempres taba descalza. Yera humillante, coses vergonzoses. Pero facer porque nun había namás. Dempués de West Side Story yera más o menos la mesma cosa. Una gran cantidá d'hestories de peaes».^[17]

Pasó a ser la única actriz hispana y unu de los pocos artistes que ganó un Globu d'Oru (1961), Óscar (1962), Grammy (1972), Tony (1975) y Emmy (1977). En 1985 , ganó'l Premiu Sarah Siddons pol so trabayu en Chicago.^[16]

Continuu trabayu nel cine y la televisión

Protagonizó Summer and Smoke (1961) y Cry of Battle (1963). Más tarde na década protagonizó The Night of the Following Day (1968), Popi (1969) , Marlowe (1969) , Carnal Knowledge (1971) y The Ritz (1976) . De 1971 a 1977, Moreno interpretó munchos personaxes de la serie infantil de PBS The Electric Company, el so rol más notablemente «Millie». Ello ye que foi Moreno quien glayaba la llinia d'apertura de la serie «Hey, mozos!». Tamién tuvo papeles como la neña traviesa «Pandora» y «Otto», el direutor de bien mal xeniu. Amás, apaeció na serie The Muppet Show y fixo otres apaiciones especiales en series de televisión como The Rockford Files, The Love Boat, The Cosby Show, George Lopez, The Golden Girls y Miami Vice. Foi la protagonista nos trés primeres temporaes de la comedia 9 to 5 mientres la década de 1980.^[15] Mientres la década de 1990, foi la voz de «Carmen Sandiego» na serie animada de Fox, Where on Earth Is Carmen San Diego?.^[18] A finales de 1990, ganó la esposición a una nueva xeneración d'espectadores cuando interpretó «Sister Pete», una monxa entrenada como psicóloga na serie de HBO, Oz pola que ganó un Premiu ALMA. Rita Moreno fixo una apaición en The Nanny como «Coach Stone», la entrenadora de «Maggie» (Nicholle Tom), a quien «Fran Fine» tamién recordaba de la so escuela como la «Sra Wickavich».^[19]

Rita Moreno, nel The Heart Truth Fashion Show.

Regresu a Broadway

En Broadway, Moreno participó en Last of the Red Hot Lovers, Gantry, The Ritz, pol cual ganó'l Premiu Tony a la meyor actriz de repartu nuna obra de teatru, y la versión femenina de La estraña pareya.^[15] En 1993 foi convidada a tocar na asunción de Bill Clinton y más tarde esi mes pa cantar na Casa Blanca.^[8] En 1995, ella co-protagonizó, xunto a Charlton Heston, Mickey Rooney, Deborah Winters y Peter Graves, el docudrama de Warren Chaney, America: A Call to Greatness.

Trabayos recién y futuros

Moreno sigue activa como cantante y actriz en teatru, cine y televisión. En 2006, interpretó a «Amanda Wingfield» na renacencia de El zoo de cristal. Tuvo un papel recurrente na serie de televisión Law & Order: Criminal Intent como la madre morrebunda del detective «Robert Goren». Foi parte del repartu principal de la serie Cane, protagonizada por Jimmy Smits y Héctor Elizondo. En 2011, aceptó'l papel de la madre del personaxe de Fran Drescher na serie de televisión Happily Divorced.^[20]Llanzó un álbum homónimu en 2000, so la discográfica Varèse Sarabande, con notes de Michael Feinstein.^[21]

En setiembre de 2011, Moreno publicó la so autobiografía, Rita Moreno: Life Without Makeup escrita por Tony Taccone dempués d'hores d'entrevistes con Moreno, nel teatru Berkeley Rep en Berkeley, California.^[13] En 2014, anuncióse que Rita Moreno foi escoyida pa la película Old Soul de NBC, xunto a Natasha Lyonne, Fred Willard y Ellen Burstyn.^[22]

Cine

Televisión