Una revista (n'inglés: magazine) ye una publicación periódica, xeneralmente financiada pela publicidá y/o polos llectores.
Historia
P´hacia'l sieglu XVII entamaron apaecer unes revistes en forma d'almanaques. Recoyíase información abonda como'l clima o la población; tamién se xuntaben la prosa y el versu d'entós. La fin yera allegrar l'ociu los llectores.
Na metada del mesmu sieglu tamién van nacer los semanarios, que falaben de moda y de costumes, too ello acompangáu de crítica social y moral. Una de les primeres publicaciones foi l'alemana Erbauliche Monaths-Unterredungen (Discutinios Mensuales Afayadizos), qu'atopámosla ente los años 1663 y 1668. Deseguida van surdir otres revistes periódiques n'Inglaterra, Francia ya Italia.
Al entamu del sieglu XVIII Joseph Addison y Richard Steele van crear The Tatler (1709-1711), que podía mencase tres vegaes per selmana. La Enciclopedia Británica defínela como "una coleición de testos (ensayos, artículos, reportaxes, poemes) munches vegaes ilustraos, qu'apaez n'intres de tiempu regulares".
A lo llargo del sieglu XX xeneralízase per tol planeta con ganancies mui granibles. Col surdir de la televisión y los medios audiovisuales, xunto a una xubida nel preciu'l papel, munches revistes pesllaron nes dómines de los 60 y 70. Anguaño ye Xapón quien más revistes llanza, siguía de los Estaos Xuníos.
Tipos
La conocencia de munches tribes de revistes aporta güei a temes y edaes abondo estremaes. Ente los tipos de revistes señálense les especializaes en dalgún tema en particular: cocina, deportes, comics, tebeos, musicales, culturales, polítiques, científiques, lliteraries...
Les revistes clasifíquense en:
- Científiques
- D'entretenimientu
- De sofitu
- Informatives
Revistes n'internet
Les ediciones dixitales popularizáronse nos caberos años. Esta triba d'ediciones son neto a les de papel, asina que munches de les qu'atopes nos quioscos tienen la so versión na rede. Anque hai publicaciones que namái s'alcuentren n'internet. La teunoloxía fai que seyan de formes más guapes y más averaes a los llectores.
