.jpg.webp)
La resina ye una secreción orgánica que producen munches plantes, particularmente los árboles del tipu conífera. Sirve como un recubrimientu natural de defensa contra inseutos o organismos patóxenos. Ye bien valorada poles sos propiedaes químiques y los sos usos asociaos, como por casu la producción de barnices, adesivos y aditivos alimenticios. Tamién ye un constituyente habitual d'arumes o inciensu. En munchos países, ente ellos España, ye frecuente referise a la "resina" como "resina de pinu" una y bones esta conífera ye la so principal fonte.
Resines naturales
Resines sintétiques
- Poliéster
- Poliuretano
- Resina epoxi
- Acrílicos
- Viniléster
- Composites
Composición
La resina ye un amiestu complexo de terpenos, acedos resínicos, ácidos grasos y otros componentes complexos: alcoholes, ésteres... La proporción de cada componente ye función de la especie arbórea y l'orixe xeográficu. Los valores típicos son:
- 60-75 % d'acedos resínicos.
- 10-15 % de terpenos.
- 5-10 % de sustancies varies y agua.
Por destilación a presión ambiente, ye posible dixebrar dos fracciones:
- 60 - 75 % de Colofonia.
- 15 - 25 % de aguarrás y agua.
Resinero
L'oficiu de resinero yera bien común ente los pueblos de monte mientres gran parte del sieglu pasáu. De los estensos pinares estrayíase la resina que yera vendida a bon preciu nel mercáu, cuidao que'l so usu na industria yera bien variada. Les nueves téuniques de producción, y los nuevos materiales apostraron esti oficiu al olvidu.
La provincia de Segovia, por tar encuadrada dientro de la contorna Tierra de Pinares, foi la mayor productora de resina n'España,[1] destacando la villa de Cuéllar, que la so alta producción dexaba'l suministru de parte de Castiella y Andalucía.[2] Amás, nel añu 1958, la imaxe de la Virxe del Henar, patrona de la Comunidá de Villa y Tierra de Cuéllar foi proclamada patrona de los resineros d'España pol sumu pontífiz Pío XII.[3] Otru importante focu de producción na provincia foi la villa de Coca, y dambes volvieron restablecer la industria na zona nel sieglu XXI.[4][5]
En Molinicos (Albacete) la industria resinera estrayía grandes cantidaes d'esti material de los estensos pinares esistentes nel conceyu. Entá güei podemos reparar la buelga d'esta industria nos tueros de los pinos.
Referencies
- ↑ Armando Ramos García (1980): España, xeografía física, humana y económica, editorial Everest, páxs. 314 y 343. En segundu llugar foi la provincia de Soria, en terceru la de Cuenca y en cuartu la de Guadalaxara.
- ↑ Eugenio Larruga (1791): Memories polítiques y económiques sobre los frutos, comerciu (vol. 11), páxs. 71.
- ↑ Miguel María Arribas: La Virxe del Henar y el so santuariu, n'Estudios Segovianos, Segovia, 1973, Tomu XXV, nᵘ74-75, páxs. 371-444.
- ↑ M.J.F. (2013): La resinación de 100.000 pinos va dar 25 emplegos que van durar siete meses, Diario de Burgos, 15 de marzu.
- ↑ Mónica Rico (2011): Resines Naturales consigue recoyer un millón de quilos de miera en Cuéllar, L'Adelantráu de Segovia, 7 de payares.
Bibliografía
- Hernández Lázaro (2009): L'oficiu de resinero: el ocaso d'un oficiu centenariu. Madrid: Ministeriu de Mediu Ambiente y Mediu Rural y Marín, DL 2009.
Enllaces esternos
Wikimedia Commons tien conteníu multimedia tocante a Resina.
