Les relixones afroamericanes son una serie de relixones rellacionaes ente sigo, que tienen los sos raigaños n'África y fueron desenvueltes polos esclavos traíos escontra América, en distintes zones del Caribe y Llatinoamérica (principalmente en Brasil, Colombia y el Sur d'Estaos Xuníos).
Ente los elementos comunes a estes relixones, podemos atopar la veneración a los ancestros o a un panteón d'espíritos divinos, como los lloes nel Vudú Haitianu o los Orishas na Santería Cubana, que pueden tomase como derivaciones de les relixones qu'aniciaron a estes (la relixón de los Yorubes o los Kongo). Amás de les influencies de les relixones africanes, esisten elementos del cristianismu, les relixones indíxenes americanes y espiritismu, lo que lleva a un sincretismu relixosu.
Delles relixones afroamericanes
- Candomblé, Macumba, Umbanda y Quimbanda, orixinarios de Brasil
- Palu, Santería y Abakuá, orixinarios de Cuba
- Hoodoo, orixinariu del sur d'Estaos Xuníos
- 21 divisiones, orixinariu de la República Dominicana
- Winti, orixinariu de Surinam
- Obeah, orixinariu de Xamaica
- Vudú, orixinariu d'Haïti
- Quimbois, orixinariu de les Antilles franceses
- Lumbalú, orixinariu de Colombia
Ver tamién
