Formatu de ficheru RSS
Carauterístiques
Estensión xml y rss
MIME application/rss+xml
Primer versión marzu 1999
Más información
Stack Exchange Etiqueta
Wiki del formatu de ficheru RSS
Cambiar los datos en Wikidata

RSS ye un subconxuntu de "dialeutos" XML que sirven p'agragar conteníu o "Web syndication" pudiendo ser accesible por xestores/sitios d'agregación. Úsase principalmente en sitios web de noticies y blogues.

L'abreviatura RSS úsase pa referise a los patrones que vienen darréu:

  • Rich Site Summary (RSS 0.91)
  • RDF Site Summary (RSS 0.9 e 1.0)
  • Really Simple Syndication (RSS 2.0)

La teunoloxía RSS permiti a los usuarios de la internet apuntase en sitios web que semienten "feeds" (fontes) RSS. Polo normal son sitios web que s'actualicen o cambien de conteníu regularmente. PA ello, utilícense Feeds RSS que reciben estes actualizaciones, d'esta manera l'usuariu ta permanentemente informáu de les actualizaciones de los sitios web a los que ta subscritu ensin que tenga que los visitar un a un.

Los feeds RSS ufierten conteníu web o resúmenes d'esti conteníu xunto colos enllaces a les versiones completes d'esi conteníu, amás d'otros metadatos. Esta información entrégase como un archivu XML nomáu "RSS feed", "webfeed", o canal RSS.

Dende que se implantó esta teunoloxía en dellos sitios web vienen usando esti iconu pa referenciar l'usu de RS xunto col indicativu de XML . L'iconu más extendíu pa representar l'usu de RSS foi algamáu nun alcuerdu ente la Fundación Mozilla (que desenvuelve'l restolador web Firefox, que venía mandándose esti iconu) con Microsoft pa la versión más reciente del so propiu restolador web, l'Internet Explorer 7. Depués Flock, otru restolador que tien como base'l Firefox inda en desenvolvimientu, tamién se mandó d'esti iconu. El sitiu web [ http://feedicons.com/ Feed Icons] distribuye de baldre l'iconu en dellos formatos pa que los usuarios puedan referenciar l'usu de teunoloxía RSS nes sos páxines web.

Usos

La sindicación de conteníos con RSS ye d'usu xeneralizáu na comunidá de blogues pa compartir conteníos de testus o archivos multimedia. Nel añu 2000, l'usu de canales RSS difundióse dafechu nes grandes empreses de noticies como Reuters, CNN, y la BBC. Estes empreses permitíen que otros sitios web incorporase les sos noticies y resúmenes per aciu d'alcuerdos d'usu. Nel casu asturianu'l primer mediu qu'implementó canales RSS foi Asturnews] mandándose d'una llicencia Creative Commons, otros medios como La Voz de Asturias o El Comercio Digital implementaron esta teunoloxía na segunda parte del añu 2006. La Xunta pola Defensa de la Llingua Asturiana implementó estes canales nel so nuevu web, a mediaos del 2005. Les canales RSS tienen n'actualidá munchísimos usos, dende'l marketing, bug-reports, y cualesquier otra actividá que tenga actualizaciones o publicación constante de conteníos. Ye normal alcontrar canales RSS nos sitios más importantes del web, y tamién nos más pequeños.

Un xestor de sindicaciones o agregador ye a probar los sitios web con RSS pa los sos usuarios y informar de les actualizaciones. Estes aplicaciones son programes independientes o extensiones de los restoladores web y xestores de corréu electrónicu. Hai delles versiones que se manden del web pa xestionar estes sindicaciones.

Los llectores RSS na web nun necesiten de ningún software que mande los feeds de los usuarios contra cualesquier ordenador con accesu web. Dellos d'estos agregadores xunten canales RSS con otres canales. Por exemplu: agregando delles entraes rellacionaes con fútbol de canales de deportes, y faciendo un nuevu de futbol.

Nos sitios web los feeds RSS mándense davezu d'un rectángulu roxu, coles lletres XML o RSS.

Escritura MIME: application/rss+xml

Como funciona

QuickRSS liendo'lo feed del portal G1

Nel archivu RSS adxúntense delles informaciones como'l títulu, la páxina web del conteníu, data, autor, y un resume, de les últimes actualizaciones del sitiu que tas agregando. Cada vez que heba conteníu nuevu l'archivu RSS actualízase, y adxunta les modificaciones. El RSS ye un formatu estandarizáu mundialmente, funciona gracies al llinguaxe XML (Extensible Markup Language), y çusase pa compartir conteníos web. Permiti, por exemplu, que l'alministrador d'un sitiu web de noticies faga un archivu XML coles últimes noticies asoleyaes, cola fin que llegue lo primero posible a los sos llectores. Esti archivu ye posible de lleelu con cualesquier preséu que sea quien a entender el formatu XML del RSS.

Históricu

Enantes de les canales RSS, había dellos formatos asemeyaos pa la sindicación de conteníos, pero ningún d'ellos algamó la popularidá abondo o sigue n'usu. La principal razón d'esto ye que la mayoría d'ellos funcionaba como un serviciu.. Por exemplu, en 1997 Microsoft creó'l Channel Definition Format pa un recursu que llamó Canal Activu d'Internet Explorer 4.0, y quedó en más o menos popular.

RDF Site Summary, la primer versión de RSS foi implementada por Dan Libby de Netscape en marzu de 1999 pal so usu en "My Netscape". Esta versión conocióse como RSS 0.9. En xuneto de 1999, en rempuesta a dellos comentarios y suxerencies, Libby desenvolvió un prototipu que llamó RSS 0.91 (con RSS significando Rich Site Summary), simplificando tamién el formatu.

El RSS (Really Simple Syndication) ye un descendiente de RDF (Resource Description Framework) y sigui les especificaciones del W3C pa RDF, que ye fíu del XML (Extensible Markup Language), que pola so parte ye fíu del SGML (Standard Generalized Markup Language).

  • SGML -> XML -> RDF -> RSS.

De xeitu más cenciello, RSS ye un estandar que se basa en XML que permiti distribuir conteníu en tiempu real, usando agregadores (Programes que descarguen y enseñen noticies recibíes con RSS).

Utilidá

Xeneralizando, permite recibir rapidamente noticies o información, sincronizaes colos creadores de conteníu, gracies a que'l formatu de los datos te textu simple.

Sirvi pa recibir un llistáu de actualizaciones de sitios web seleccionaos, nel mesmu momentu nel qu'esto pase. Ye mui usao en sitios de previsión del tiempu, información de tráfico, información económica y blogues. Gmail (Serviciu de corréu electrónicu de Google) tamién se manda de RSS nel so funcionamientu. Fontes RSS pueden alcontrase en direutorios como [ http://www.rssfeeds.com.br Archived 2015-12-01 at the Wayback Machine www.rssfeeds.com.br]

Como usar

Pa usar RSS, necesites un programa o xestor que sea quien a lleer archivos XML, creando un índiz de les actualizaciones de los sitios seleccionaos. Los restoladores web de última xeneración, como'l Firefox 2 tienen ente los sos preseos un xestor de RSS.

Llistáu d'Agregadores

Llistáu de dellos preseos qu'agreguen conteníu:

  • Google Desktop
  • Akregator
  • FeedReader
  • Active Web Reader
  • Pluck RSS Reader
  • RSS Bandit

Llistáu d'agregadores via navegador web

Dellos de los restoladores web, tamién son a inteerpretar correutamente los archivos XML.

Sites especializados

Hai tamién, sitios especializaos qu'agreguen conteníu remotamente.

La ventaxa principal d'estos sitiosv remotos ye que dende cualesquier ordenador con accesu a internet, l'usuariu tien accesu a tolos sos feeds subscritos, ensin necesitar instalar software en cada ordenador que vaiga usar.

Los principales servicios de agregación son:

Ver tamién

  • Atom
  • Feed
  • RDF
  • XML

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.