11-09-2019 15:50
R. Lee Ermey
Vida
Nacimientu Emporia, 24 de marzu de 1944[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Santa Monica, 15 d'abril de 2018[1] (74 años)
Sepultura Cementeriu Nacional d'Arlington
Causa de la muerte neumonía
Fíos/es 4
Estudios
Estudios Universidá de Manila : teatru
Llingües falaes inglés[2]
Oficiu instructor militar, actor, productor de televisión, guionista, actor de voz, comediante, actor de televisión, actor de cine, realizador
Altor 1,84 m
Premios
Seudónimu/os The Gunny
Serviciu militar
Cuerpu militar Cuerpu de Marines de los Estaos Xuníos
Graduación sargento de artillería (es) Traducir
sargento de personal (es) Traducir
Lluchó en Guerra de Vietnam
Creencies
Partíu políticu políticu independiente
IMDb nm0000388
rleeermey.com
Cambiar los datos en Wikidata

Ronald Lee Ermey (24 de marzu de 1944, Emporia – 15 d'abril de 2018, Santa Monica) foi un actor y sarxentu instructor del Cuerpu de Marinos de los Estaos Xuníos retiráu estauxunidense.

Estudió arte dramáticu na Universidá de Manila (en Filipines) tres la guerra de Vietnam. Cuasi tolos personaxes qu'interpreta son militares o figures autoritaries. La más memorable de les sos interpretaciones ye, ensin dulda, la del sarxentu d'artillería Hartman, instructor xefe en Full Metal Jacket, de Stanley Kubrick. Foi'l presentador d'un programa sobre historia, armamentu, y equipu militar llamáu Mail Call en History Channel.

El 17 de mayu de 2002 foi ascendíu de forma honoraria a sarxentu d'artillería pol, daquella, comandante del Cuerpu de Marinos James L. Jones convirtiéndose asina nel primer miembru retiráu de la historia del Cuerpu de Marinos en ser promocionáu.

Biografía

Nacíu n'Emporia (Kansas) Ermey foi arrestáu delles vegaes mientres la so mocedá y enllistóse nel Cuerpu de Marinos en 1961 cuando un xuez dio-y a escoyer ente apuntase nel exércitu o dir a la cárcel.

Pasó dos años como sarxentu instructor nel centru d'instrucción de reclutes de los marinos en San Diego, California de 1965 a 1967.

En 1968 sirvió 14 meses en Vietnam; dempués sirvió en dos misiones na islla d'Okinawa (Xapón) onde algamó'l rangu de sarxentu xefe de pelotón y foi llicenciáu por razones médiques en 1972 por cuenta de les firíes sufríes.

Ermey almitió tener velees por mor de les esperiencies vivíes en combate y que yeren consecuencia d'un síndrome de estrés postraumáticu.

El so primer papel foi como sarxentu instructor (Sarxentu del Estáu Mayor Loyce) na película The Boys in Company C. Consiguió'l papel mientres estudiaba actuación na Universidá de Manila (Filipines).

El so segundu papel foi como pilotu d'helicópteru en Apocalipsis Now, de Francis Ford Coppola. Amás d'actuar como pilotu na película, tamién foi'l conseyeru técnicu sobre asuntos militares de la película.

Dempués d'eso fixo pequeños papeles hasta 1987, cuando foi contratáu por Stanley Kubrick como conseyeru y p'enseñar al actor qu'en principiu diba interpretar al sarxentu Hartman en Full Metal Jacket. Cuando Kubrick vio una prueba onde Ermey, mientres instruyía al actor, «dicía quince minutos de obscenidades ensin parar nin repitir dos veces la mesma pallabra»,[3] decidió da-y a él el papel ya inclusive-y dexó escribir parte de los diálogos ya improvisar mientres el rodaxe. Poco dempués Kubrick declaró que Ermey foi una de les meyores persones coles qu'él trabayara, y que precisara tan solo faer dos o tres repeticiones de cada escena. La so interpretación entusiasmó a los críticos y Ermey foi nomáu al Globu d'Oru como meyor actor secundariu y qu'a lo postrero sería ganáu por Sean Connery con The Untouchables. Años dempués interpretó a otru sarxentu instructor nel episodiu piloto de Space: Above and Beyond, un papel bien similar al de Full Metal Jacket.

Dende entós apaeció en más de sesenta películes, incluyendo Mississippi Burning, Se7en, Leaving Las Vegas y los remakes de Willard y The Texas Chainsaw Massacre.

Ermey tamién dobló personaxes en películes como Toy Story y Toy Story 2, según en dellos videoxuegos como Fallout Tactics: Brotherhood of Steel y apaeció en series como The Simpsons y Family Guy.

Nel capítulu «Daddy's boy» de Dr. House interpretó al padre de House, tamién militar na ficción, con quien House tien una pésima rellación, y nel episodiu "My father", de "Scrubs" interpreta al padre del Conserxe.

Foi'l anfitrión del programa Mail Call de History Channel (2002-2009), un programa alrodiu de la historia y l'equipamientu de los distintos exércitos de los Estaos Xuníos nel que mientres 30 minutos contesta a les entrugues de los espectadores a los que trata como si él fuera sarxentu instructor y ellos los sos reclutes. Inclusive fai demostraciones sobre armamentu disparando contra sandíes (el so enemigu natural) y contra botes de pintura.

Filmografía

  • 1978: The Boys in Company C de Sidney J. Furie
  • 1987: Full Metal Jacket de Stanley Kubrick.
  • 1988: Mississippi Burning de Alan Parker.
  • 1989: The Siege of Firebase Gloria de Brian Trenchard-Smith.
  • 1990: I'm Dangerous Tonight de Tobe Hooper.
  • 1990: 83 Hours 'Til Dawn de Donald Wrye.
  • 1990: La grieta, de Juan Piquer Simón.
  • 1991: Toy Soldiers de Daniel Petrie Jr.
  • 1993: Hexed de Alan Spencer.
  • 1993: Sommersby, de Jon Amiel.
  • 1993: Body Snatchers d'Abel Ferrara.
  • 1994: On Deadly Ground de Steven Seagal.
  • 1994: Love is a Gun de David Hartwell.
  • 1994: The Naked Gun 33 1/3: The Final Insult de Peter Segal.
  • 1995: Toy Story, de John Lasseter.
  • 1995: Murder in the First de Marc Rocco.
  • 1995: Seven de David Fincher.
  • 1995: Dead Man Walking de Tim Robbins.
  • 1996: The Frighteners, de Peter Jackson.
  • 1997: The Sender de Richard Pepin.
  • 1997: Switchback de Jeb Stuart.
  • 1997: Cracker, de Stephen Cragg.
  • 1997: Dead Men Can't Dance de Steve Anderson.
  • 1997: Weapons of Mass Distraction de Stephen Surjik.
  • 1997: Prefontaine, de Steve James.
  • 1998: Gunshy de Jeff Celentano.
  • 1998: You Know My Name de John Kent Harrison.
  • 1999: Avalanche de Steve Kroschel.
  • 1999: The Apartment Complex de Tobe Hooper.
  • 2000: On the Borderline de Michael Oblowitz.
  • 2000: Skipped Parts de Tamra Davis.
  • 2000: The Chaos Factor de Terry Cunningham.
  • 2001: Saving Silverman de Dennis Dugan.
  • 2001: Megiddo: The Omega Code 2, de Brian Trenchard-Smith.
  • 2001: Taking Sides, d'István Szabó.
  • 2002: Run Ronnie Run! de Troy Miller.
  • 2003: Willard, de Glen Morgan.
  • 2003: The Texas Chainsaw Massacre de Marcus Nispel.
  • 2005: Man of the House de Stephen Herek.
  • 2006: The Texas Chainsaw Massacre: The Beginning de Jonathan Liebesman.
  • 2012: The Watch, como Manfred Salisbury (un violentu vecín armáu).

Para esfrute de los sos fans sacó delles "figures motivacionales" d'unos 30 cm d'él mesmu vistíu como sarxentu instructor, que al calcar un botón del so llombu glayen frases similares a les qu'él mesmu usaba en Full Metal Jacket.

Referencies

  1. 1 2 Afirmao en: autoridaes BNF. Identificador BnF: 14175424n. Apaez como: R. Lee Ermey. Autor: Biblioteca Nacional de Francia. Llingua de la obra o nome: francés.
  2. ↑ Afirmao en: catálogu de la Biblioteca Nacional Checa. Identificador NKCR AUT: xx0053332. Data de consulta: 1r marzu 2022.
  3. ↑ Cine y musica: Stanley Kubrick.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.