Monumentos

• Ilesia de San Martín
• Ponte sobre'l ríu Ubierna

Atribúyese l'autoría a San Juan d'Ortega pero nun hai estudios qu'asina lo confirmen. La ponte ye d'orixe medieval pero puede ser d'orixe anterior porque'l pueblu tien oríxenes romanos una y bones Quintanaortuño vien de la pallabra roma “Quinta de Fotunio”. Esta ponte tien un perfil fuertemente alomado, esto ye, una marcada pendiente a entrambos llaos por cuenta del usu del arcu de mediu puntu.Realizáu en sillares de piedra caliar. Abondo bien calteníu.

Esta ponte xunía dos molinos y amás utilizábase par comunicar los distintos pueblos de la redolada con Burgos.

• Torre

Torre de Quintanaortuño en 2012.

En Quintanaortuño esiste una torre defensiva apenes conocida por haber perdíu la so función en socesives adautaciones como vivienda, palombar y almacén, al empar que perdía'l so aspeutu primitivu (al ser demochada y perder parte del so altor). Ta asitiada al norte del pueblu, aisllada, y a principios de 2012 sufrió un derrumbe na so esquina esti norte, qu'acabó cola puerta y la única ventana que tenía, sobre ella.

Ye cuadrada y mide 7,40 metros de llau. La puerta, al Este, ye bien pequeña (0,80 cm de lluz). El so arcu, d'escasu valor, paez de mediu puntu. ... Ye posible qu'algamara un terciu más d'elevación. La so construcción puede ser de principios del s. XVI.

Inocencio Cariñanos Bardeci, Arquiteutura fortificada na provincia de Burgos^[4]

Perteneció orixinariamente a un tal Juan Ruiz de San Cebrián. Nel so testamentu dau en Palazuelos el 12 de xunetu de 1537 diz:

Yten mando que me lleven un añal de pan e vino/ e cera, un año complido a la iglesia del señor/ San Martín del lugar de Quintana Hortuño / por las anymas de my señor tío Alonso / Ruiz, clérigo que fue del dicho lugar, e por las / anymas de otros que tengo yo a cargo y pa/ guen mis cabezaleros su trabajo a quien/ la llevare./ ... Yten mando que vistan quatro pobres que sean/ del dicho lugar de Quintana Hortuño e les den / sendas vestiduras de Sayal e sendas ca / misas de estopa.

Tamién manda qu'aprovan de curadores a los sos fíos, que'l curador se vaya al conceyu y faiga un pidimientu ante'l señores del conceyu, pidan que como hubo empeñáu una facienda a don Gerónimo de Padilla, vecín de Quintana Hortuño per cientu trenta mil maravedinos, y la facienda val más de cuatrocientos, que manden dar un mandamientu pal susodichu por que non se entremetan al edificar na dicha facienda, hasta tantu que sía vistu por xusticies.^[5]

San Juan d'Ortega

San Juan d'Ortega, nacíu na llocalidá, de moza collaboró con Domingo de la Calzada p'abrir caminos qu'ameyoraren el pasu pela zona de los pelegrinos del camín de Santiago. Según la tradición, atribúyese-y la finalización de la calzada ente Nájera y Burgos qu'empecipiara'l so maestru y la construcción de les pontes primitives de Logroño, Nájera, Santo Domingo de la Calzada, Belorado, Cubo de Bureba y Agés.

Cayó enfermu atopándose en Nájera, pidiendo ser treslladáu al so monesteriu, onde finó'l 2 de xunu de 1163.