Quarterback (QB) (en dellos medios llatinoamericanus ye referíu como mariscal de campu) ye un anglicismu utilizáu pa una posición en fútbol americanu y nel fútbol canadiense. Los quarterbacks son miembros del equipu ofensivu y asítiense xusto detrás del center, nel mediu de la llinia ofensiva. Los quarterbacks son los líderes del equipu ofensivu, responsables de decidir la xugada a realizar. Empecipien práuticamente toles xugaes recibiendo'l balón del center por aciu un snap (anque dacuando este puede dir empobináu escontra otru xugador). Una vegada que'l quarterback recibe'l balón, puede correr con él, dexá-ylo en mano a otru xugador o intentar un pase.
Johnny Unitas, Terry Bradshaw, Joe Montana, Peyton Manning, Tom Brady y Aaron Rodgers (los dos últimos entá activos), tán ente los más destacaos y meyores QBs na historia de la NFL.[1]
Carauterístiques
Na mayoría de los niveles, el papel del quarterback ye unu de los más importantes y visibles del equipu. El quarterback toca'l balón práuticamente en toles xugaes ofensives y ta sometíu a una gran presión y responsabilidá al trate obligáu a tomar importantes decisiones sobre'l terrén de xuegu. Ente que n'otres posiciones los xugadores pueden ser sustituyíos fácilmente pa evitar la fatiga, la mayoría de los quarterbacks tán nel campu la mayoría del tiempu que l'equipu tien posesión n'ataque. Los quarterbacks son escoyíos frecuentemente ente los primeros puestos del Draft y suelen roblar contratos bien codalosos. Hasta l'añu 2008 los xugadores d'esta posición ganaron más premios Super Bowl MVP (22 de 42) que los xugadores de cualesquier otra posición combinaos.
El términu "quarterback" referíase primeramente a miembros del backfield. Antes de l'apaición de la formación en T nos años 1940, tolos miembros del backfield ofensivu yeren amenaces pa la carrera o'l pase, y munchos equipos utilizaben cuatro backs ofensivos en cada xugada: un quarterback, dos halfbacks y un fullback.
La formaciones más ofensives que pueden atopase na actualidá tienen unu o dos running back, actuando unu como fullback (p'aiciones de bloquéu mayormente) y otru que s'allinia por detrás d'este.
Táctica especial
Si'l quarterback nun se siente cómodu cola defensa y la xugada que va realizar puede camudar la xugada por aciu un oyible. Por casu, si un quarterback escoyó una xugada de carrera y antes de realizar el snap, repara que la defensa contraria ta preparada pa realizar un blitz, de xuru decida camudar de xugada. Pa faelo, el quarterback tien un sistema cifráu d'ordes, col qu'informa glayando a los sos compañeros y camudar de xugada (Exemplu: “Blue 42!”, “Texas 29!”)
El quarterback tamién puede faer un spike, ye dicir tirar el balón al suelu, pa parar el tiempu oficial. Por casu, si un equipu va perdiendo y queden unos pocos segundos, el quarterback puede realizar un spike pa evitar que'l tiempu siga corriendo. Ye daqué bien habitual si al equipu nun lu resten tiempos muertos. Por aciu esta aición pierde un down, pero dexa que dea tiempu d'intentar un postreru "Hail Mary" o qu'ente'l kicker pa intentar un field goal.
De la mesma, si un equipu va ganando, un quarterback puede caltener el tiempu corriendo arrodillándose en recibiendo'l snap(QB Kneel). Esto suel faer cuando al equipu contrariu nun lu queden tiempos muertos y queda bien pocu por que termine l'alcuentru. Dexa al equipu atacante quemar el tiempu que queda ensin arriesgase a un turnover o mancadura.
Camudando los papeles
Seleición de xugaes
Tradicionalmente, los quarterbacks fueron los responsables d'escoyer les xugaes d'ataque del equipu basándose na formación defensiva del rival. Peyton Manning o Zach Mettenberger, por casu, suel escoyer les xugaes usando un ataque non-huddle (ofensiva ensin xunta). Pa escoyer les meyores xugaes, los quarterbacks estudien, mientres tán fora del campu y por aciu fotografíes, los puntos débiles de la defensa. Cuando se realiza una xugada, el quarterback recibe'l balón por aciu un snap empobináu pol center. Cuando tien el balón tien la opción de pasalo a un receptor, dexá-ylo en mano a un running back o intentar correr él mesmu.
Nos últimos años, l'aumentu de coordinadores ofensivos hai promovíu l'usu de términos cifraos. El coordinadores y el quarterback comuníquense al traviés d'un auricular nel cascu antes de les xugaes. Los quarterbacks puedes escuchar, pero nun falar colos sos entrenadores hasta que queden quince segundos nel play clock.[2] Cuando'l xugadores atópase en formación, el quarterback empecipia la xugada por aciu una pallabra en clave, un númberu o una combinación de dambes.
Doble amenacia o dual threat
Col aumentu de les defensa de blitz y la medría de velocidá nos xugadores de la defensa, la importancia de la movilidá d'un quarterback ye bien grande. Anque'l fechu de tener un brazu potente, presencia nel pocket y precisión sigue siendo lo más importante, l'habilidá pa refugar a los defensores qu'intenten placarle ganó muncha importancia. Típicamente un quarterback dedicábase namái a llanzar, pero remaneció una nueva clase de xugador que non yá ye capaz de dirixir xugaes de pase, sinón realizar él mesma xugaes de carrera. Son xugadores que conocen perbién cómo atacar pol puntu más débil de la defensa.
Receiciones
Anque los quarterbacks nun son xugadores importantes pa recibir pases, pueden desempeñar esta función en ciertes xugaes como la Flea Flicker, recoyendo pases llaterales d'un running back o wide receiver.
Númberos
Anque a nivel universitariu y en high school los quarterbacks pueden escoyer cualquier númberu pa llevar na so camiseta, los que van del 1 al 19 son los más utilizaos.[ensin referencies] Na NFL, los quarterbacks solo pueden utilizar númberos del 1 al 19.[3]
Ver tamién
- Categoría:Quarterbacks de fútbol americanu
- Categoría:Quarterbacks de fútbol canadiense
- Quarterbacks titulares en Super Bowls
Referencies
- ↑ http://web.archive.org/web/http://top100.nfl.com/
- ↑ Mayer, Larry, When does radio communication get cut off? (August 15, 2007), chicagobears.com. Retrieved on August 16, 2007.
- ↑ Football 101:NFL's Uniform Numbering System
Enllaces esternos
- Sports Illustrated's 10 Best Journeymen
- Quarterback Drills – (Inglés) Fonte de xugaes y estratexes pa entrenadores y quarterbacks.
- Quantum Quarterback - Quarterback info for all teams
- ArmchairGM's 100 Greatest Quarterbacks of the Modern Yera – (Inglés) Los 100 meyores quarterbacks de la historia.
| Control d'autoridaes |
|
|---|
Datos: Q622747
Multimedia: American football quarterbacks