Quark fondu (b)
Clasificación
Partícula elemental
Fermión
Quark
Tercer xeneración
Quark fondu
Propiedaes
Masa:	≈7,13 · 10−27 kg (nel esquema de mínima sustracción)   ≈4.19 GeV/c2 (nel esquema de mínima sustracción)
Carga llétrica:	−${\displaystyle \mathbf {\begin{matrix}{\frac {1}{3}}\end{matrix}} }$ y
Carga de color:	Color
Spin:	${\displaystyle {\begin{matrix}{\frac {1}{2}}\end{matrix}}\hbar \,\!}$
Vida media:	Inestable (desconocíu)
Antipartícula:	Antiquark fondu (${\displaystyle {\overline {b}}\!}$)
Interacciona con:	Gravedá Interacción débil Electromagnetismu Interacción fuerte

El quark fondu (o quark b del inglés "bottom quark") ye una partícula elemental que pertenez a la tercer xeneración de quarks. Tien una carga llétrica igual a −⅓ de la carga elemental^[1] y un spin de ½, colo cual ye un fermión y cumple el principiu d'esclusión de Pauli. Como los demás quarks, el quark fondu tien carga de color, y el antiquark fondu tien carga de anticolor; sienten la interacción fuerte.

Ye'l segundu quark más masivu del modelo estándar, con una masa d'unos cuatro vegaes la del protón. Esto da-y un comportamientu peculiar dientro de la cromodinámica cuántica, que lo fai más bono de detectar y midir les sos propiedaes esperimentalmente, sobremanera nos mesones que forma. Tamién ye relativamente bono d'esperimentar con él por cuenta de que casi siempres apaez nes desintegraciones del quark visu, y con bastante frecuencia na desintegración del bosón de Higgs, si ye lo suficientemente llixeru.

Foi afayáu nel Fermilab (Chicago), en 1977^[2] y darréu confirmáu en Doris (Hamburgu). Nel descubrimientu, los científicos quixeron llamalo "quark guapura" (Beauty), pero a la fin quedóse en fondu (Bottom). L'afayu nun resultó inesperáu yá qu'en 1975 afayárase la partícula tau polo que se pensó que si había tres families de leptones tendría d'haber tamién tres generación de quarks.

El quark fondu debe de tener una vida media curtia, como los leptones de la tercer xeneración. Les única evidencia ye que forma hadrones que se desintegran llueu, pero la vida media del propiu quark ye bien malo de midir por cuenta de que s'atopa confináu (Confinamientu del color) .

Ésti quark dota a los hadrones que forma con un númberu cuánticu llamáu 'inferioridá' (traducción de "bottomness"), que se define como'l númberu de antiquarks fondu menos el númberu de quarks fondu que lu formen.

Hadrones que contienen quarks fondu

Tolos tipos de mesones B, cargaos y neutros, tán formaos por un quark fondu (o'l antiquark) y un quark enriba o embaxo. Los mesones B encantaos${\displaystyle (\mathrm {B_{c}^{+}} )}$ y estraños${\displaystyle (\mathrm {B_{s}^{0}} )}$ tán formaos pol quark fondu y un quark encantáu o estrañu respeutivamente.

El mesón úpsilon, tamién conocíu como 'fondonio' (traducción de 'bottomonium'), ta formáu pol quark y el antiquark fondu.

L'únicu barión conocíu con un quark fondu ye'l lambda neutru inferior${\displaystyle (\mathrm {\Lambda _{b}^{0}} )}$.

Ver tamién

• Quark
• Interacción nuclear fuerte
• Carga de color
• Gluón

Referencies