Proyeición cilíndrica equidistante
equidistant projection (en) y proyección cilíndrica (es)

Proyeición cilíndrica equidistante, tamién conocida como proyeición xeográfica, proyeición paralelogramática, y qu'inclúi'l casu especial de la proyeición de la plate carrée o proyeición xeográfica, conocida más xeneralmente por proyeición equirrectangular, ye una proyeición xeográfica cilíndrica bien simple, de la que la so invención ta atribuyida a Marino de Tiru alredor del añu 100 d. C., puesto que Toloméu asina lo diz na so obra Xeografía.^[1] Tamién puede llamase proyeición llatitú-llargor.

Definición

${\displaystyle x=\lambda \cos(\phi _{1})\,}$

${\displaystyle y=\phi \,}$

onde:

${\displaystyle \lambda \,}$ ye'l llargor del meridianu central de la proyeición

${\displaystyle \phi \,}$ ye la llatitú

${\displaystyle \phi _{1}\,}$ son los paralelos estándar (al norte y al sur del ecuador), onde la escala de la proyeición ye verdadera.

Nótese que na parte derecha de la ecuación, les coordenaes ${\displaystyle \lambda }$ y ${\displaystyle \phi }$, son midíes lliniales, non angulares. El puntu ${\displaystyle (0,0)}$ ta nel centru de la proyeición resultante.

Usos

Por cuenta de la distorsión que se produz nesta proyeición, nun suel usase en mapes de navegación o mapes catastrales, sinón más bien en mapes de tipu divulgativu. Convirtióse nun estándar n'aplicaciones informátiques pa procesar mapes globales, pola so correspondencia ente píxeles y la so posición xeográfica.

Ver tamién

• Proyeición cilíndrica equivalente
• Proyeición de Mercator
• Proyeición de Peters

Enllaces esternos

• Global MODIS based satellite map The blue marble: land surface, ocean color and sea ice.
• Table of examples and properties of all common projections, from radicalcartography.net.
• Panoramic Equirectangular Projection, PanoTools wiki.

Referencies