Sudáfrica ta estremada en nueve provincies. Tres les eleiciones xenerales en Sudáfrica d'abril de 1994, los homelands, conocíos como bantustán, fueron reintegrados na República y cuatro de les esistentes provincies fueron convertíes en nueve. N'avientu 2005, la 12ª enmienda de la constitución varia les fronteres de les provincies.

Provincies actuales

Mapa de les provincies de Sudáfrica
Noroeste Cabu del Norte Gauteng Limpopo Mpumalanga Estáu Llibre KwaZulu-Natal Cabu Oriental Cabu Occidental

Bandera	Provincia	Capital	Ciudá más poblada	Sup.[1] (km²)	Población (2011)[2] (hab.)	Densidá (2011) (hab/km²)	IDH (2003) [3]
	Cabu del Norte	Kimberley	Kimberley	372 889	1 145 861	3,1	0,69
	Cabu Occidental†	Ciudá del Cabu	Ciudá del Cabu	129 462	5 822 734	45,0	0,77
	Cabu Oriental	Bhisho (Bisho)	Port Elizabeth	168 966	6 562 053	38,8	0,62
	Estáu Llibre	Bloemfontein	Bloemfontein	129 825	2 745 590	21,1	0,67
	Gauteng	Johannesburgu	Johannesburgu	18 178	12 272 263	675,1	0,74
	KwaZulu-Natal	Pietermaritzburg‡	Durban	94 361	10 267 300	108,8	0,63
	Limpopo	Polokwane (Pietersburg)	Polokwane	125 754	5 404 868	43,0	0,59
	Mpumalanga	Nelspruit	Nelspruit	76 495	4 039 939	52,8	0,65
	Noroeste	Mahikeng (Mafikeng)	Rustenburg	104 882	3 509 953	33,5	0,61
	República de Sudáfrica	Pretoria, Ciudá del Cabu, Bloemfontein	Johannesburgu	1 220 813	51 770 560	42,4	0,67

Notes:

† Estes estadístiques nun inclúin les Islles Príncipe Eduardo (335km², con residentes non permanentes), que son territorios subantárticos nel Océanu Índicu pero parte de la Provincia Occidental del Cabu por propósitos eleutorales

‡ Pietermaritzburg y Ulundi fueron capitales conxuntes de KwaZulu-Natal dende 1994 hasta 2004.

Historia

Les provincies tres la creación de la Unión Sudafricana en 1910.

Provincies y bantustanes, tres la implementación del apartheid.

La división de Sudáfrica en distintes rexones alministratives puede estremase en trés distintos periodos.

Dende l'establecimientu de la Unión Sudafricana en 1910, la principal división foi en cuatro provincies. Sicasí, dende 1913, los propietarios blancos de tierres acutaron ciertes árees que tomaben un 13% del país no que más tarde se denominaríen "homelands" (tamién conocíes como bantustanes) que sirvíen como estaos nacionales de iure pa los negros y llograron ser unos de los puntales del apartheid. En 1976 el homeland de Transkei foi'l primeru n'aceptar la independencia, y a pesar de qu'esti estatus nunca foi reconocíu por nengún otru estáu, otros trés homelands siguieron esi camín.

Dende 1994 Sudáfrica foi estremada nos nueve provincies qu'apaecen de primeres d'esti artículu. Los homelands fueron reintegrados na República pa les eleiciones d'abril de 1994.

Referencies

Enllaces esternos

• Mapa