Provincia de Boumerdès

Provincia de Boumerdès
Alministración
País	Arxelia
ISO 3166-2	DZ-35
Tipu d'entidá	provincia d'Arxelia
Capital	Boumerdès
División	ver Baghlia District (en) , Bordj Ménaïl District (en) , Boudouaou District (en) , Boumerdès District (en) , Al Nuwayrah village Egypt (en) , Isser District (en) , Khemis El Khechna District (en) , Naciria (es) y Thénia District (en) ;
Xeografía
Coordenaes	36°46′N 3°29′E / 36.77°N 3.48°E
Superficie	1591 km²
Llenda con	provincia d'Algiers, provincia de Blida, provincia de Bouira y provincia de Tizi Ouzou
Altitú media	61 m
Demografía
Población	802 083 hab. (2008)
Densidá	504,14 hab/km²

Boumerdès (en francés: Boumerdès, n'árabe: ولاية بومرداس Wilāyá Būmardās, en bereber: Bumerdas) ye un vilayato del norte d'Arxelia, allugáu ente Arxel y Tizi-Ouzou, siendo la so capital la ciudá costera de Boumerdès (enantes Rocher-Noir).

Xeografía

El vilayato cubre una superficie de 1.456,16 km² y tien más de 80 km de mariña. La so población ye de 786.602 habitantes. Atiesta al norte col mar Mediterraneu, al este col vilayato de Tizi-Ouzou, al sur col vilayato de Bouira, al suroeste col de Blida y al oeste col vilayato d'Arxel.

La provincia tien un clima mediterraneu, templáu na mariña (18 °C de media añal) y daqué más calorosu nel interior (25 °C de media añal).

La llanura costera ocupa 36,5 % de la superficie de la provincia, los altiplanos y montes 26,5 %, y los montes 26 %.

Los principales ríos son l'Isser y el Sebaou.

Los conceyos de la provincia (o vilayato) son: Boudouaou, Boudouaou El Bahri, Corso, Tidjelabine, Hammadi, Khemis El Khechna, Ouled Haddadj, Ouled Moussa, Larbatache, Kharrouba, Keddara, Thenia, Souk El Had, Beni Amrane, Ammal, Zemmouri, Si Mustapha, Isser, Chabet L'Ameur, Timezrit, Naciria, Bordj Menaiel, Laghata, Djinet, Sidi Daoud, Ouled Aissa, Baghlia, Taourga, Ben Choud, Dellys y Afir.

Turismu

La provincia tien un gran potencial turísticu, anguaño en fase de desenvolvimientu y favorecíu pola recién meyora de les comunicaciones per tierra. Tradicionalmente los braniantes concentráronse na mariña que cunta con 26 sableres nes que ta autorizáu bañase, d'un total de 41. Hai 16 hoteles y 7 campings. Mientres la temporada turística 2010, la provincia de Boumerdès acoyó a 9.987.000 turistes.

Recursos

La pesca ye unu de los principales recursos de la provincia gracies a los sos dos grandes puertos pesqueros: Dellys y Zemmouri. En 2011, un tercer puertu pesqueru ta en fase de construcción nel cabu Djinet. Dende 2011, el cabu Djinet cuenta con una planta desaladora qu'abastez de 100.000 m³/día a la rexón.

Cultura

La investigación científica xuega un papel destacáu na vida de la provincia gracies a la universidá M'Hamed Bougara de Boumerdès, creada en 1998 a partir de 6 institutos nacionales d'investigación científica y teunolóxica. Magar la investigación n'hidrocarburos foi la so vocación primera, la ufierta actual diversificóse y los estudios adoptaron la estructura curricular LMD de la Xunión Europea por cuenta de los sos intercambios permanentes con universidaes estranxeres.^[1]

Notes y referencies

↑ Universidá M'Hamed Bougara de Boumerdès. En francés y n'inglés

Enllaces esternos

Oficina de turismu de la provincia de Boumerdès en francés y n'inglés

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Universidá M'Hamed Bougara de Boumerdès. En francés y n'inglés

[1]