Presidente del Conseyu Européu
cargu públicu
Titular	Charles Michel dende 1r avientu 2019
Residencia	Rexón de Bruxeles-Capital
Nomáu por	Conseyu Européu
Xurisdicción	Xunión Europea
Institución	Conseyu Européu
Creación	1r avientu 2009
Sitiu web	https://www.european-council.europa.eu/the-president.aspx

El Presidente del Conceyu Européu ye un cargu de la Xunión Europea que s'encarga de presidir esta institución. Tres la entrada en vigor del Tratáu de Lisboa, l'ún d'avientu de 2009, el mandatu pasa a tener una duración de dos años y medio renovables una sola vez, sustituyendo asina'l presidente n’exerciciu, que xiraba ente los Estaos miembros por un periodu de seis meses.

La so eleición tien llugar por mayoría cualificada ente los miembros del Conseyu Européu, del mesmu mou, el Presidente pue ser refugáu en cualesquier momentu polos mesmos. A diferencia del Presidente de la Comisión Europea, ésti nun tien que ser aprobáu pol Parllamentu européu.

Anque munchos medios de comunicación falen d'esti cargu como'l de presidente d'Europa o presidente de la Unión Europea, nun ye asina. El Presidente del Conseyu Européu tien una función alministrativa que coordina'l llabor del Conseyu y la organización de los aconceyamientos. Tien la representación de la Xunión Europea y presenta la información al Parllamentu européu depués de cada conceyu.

El primer ministru belxicanu Herman Van Rompuy foi designáu como primer presidente permanente del Conseyu Européu'l 19 de payares de 2009. Entamando les sos funciones l'ún d'avientu de 2010.

Referencies

Enllaces esternos

• Wikimedia Commons tien conteníu multimedia tocante a Presidente del Conseyu Européu.