28-04-2022 00:00
Polu Norte
Situación
Tipu Polos Xeográficos
Parte de Earth's poles (en) Traducir
Coordenaes 90°N 0°E / 90°N 0°E / 90; 0
Polu Norte alcuéntrase n'Árticu
Polu Norte
Polu Norte
Polu Norte (Árticu)
Datos
Noamáu por norte
Cambiar los datos en Wikidata

El Polu Norte xeográficu ye un de los dos llugares de la superficie d'un planeta coincidente col exe de rotación; ye opuestu al Polu Sur. Tolos planetes y satélites tienen un polu Norte que defínese d'esta manera y que nun ye necesariamente perpendicular al exe de tresllación (por exemplu na Tierra tien un ángulu de 23,5 º y n'Uranu de 90 º).

El polu Norte terrestre alcuéntrase nel Océanu Glacial Árticu, au la mar ta tapecida por un casquete de xelu o banquisa, y estrémense cuatro polos: el magnéticu, el xeográficu, el xeomagnéticu y l'históricu.

Robert Edwin Peary foi'l primer esplorador qu'aportó al polu Norte, en 1909, xunto al so asistente Matthew Henson y cuatro esquimales.

Norte magnéticu

El polu Norte magnéticu terrestre allúgase a unos 1.600 km del polu Norte xeográficu, cerca de la islla de Bathurst, na parte septentrional de Canadá, nel territoriu de Nunavut. Magar que magnéticamente falando nun ye esautamente un polu norte, sinón un polu sur que davezu llámase asina pa estremar que se fala del Norte que marca la brúxula y non del "real" que davezu trayen los mapes. Esti llugar camudó de contino a lo llargo del tiempu, y n'otres ocasiones tuvo asitiáu nel hemisferiu sur a cuenta de les inversiones periódiques del campu magnéticu terrestre. Una brúxula asitiada horizontalmente nesti polu, apuntaría a cualsiquier direición y si tuviere mui averada, tendría un error considerable pues nes más de les brúxules l'aguya diba tender a apuntar p'abaxo. [1][2]

Les brúxules nun apunten al polu Norte xeográficu sinón al polu Norte magnéticu , que defínese como'l llugar au'l campu magnéticu ye perpendicular a la superficie, polo qu'en llatitúes altes son abondo imprecises.

Ver tamién

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.