Novedá y estudiu

Los animales policefálicos faen de cutiu titulares nes noticies locales cuando son atopaos. Los animales de dos cabeces más comúnmente reparaos son tortúes y culiebres. Otres especies con incidencies de dos cabeces que se conozan inclúin a ganáu, oveyes, gochos, gatos, perros, y peces. En 1894, una perdiz de dos cabeces foi reportada en Boston, Massachusetts. Yera notable como un animal dicéfalo podía sobrevivir na edá adulta con dos cabeces perfectes. Los científicos publicaron en diarios modernos sobre la diseición de tales animales dende a lo menos los años 1930s. Un periódicu en 1929 estudió l'anatomía d'un gatín de dos cabeces.

Los animales policefálicos, por cuenta de la so rareza, son una tema de la novedá. "We", una culiebra albina nacida en cautiverio nel añu 2000, foi programada pa ser puyada en eBay con un preciu previstu en $150.000 (alredor de £87,000), anque la so política de non comerciu d'animales vivos previeno la venta. El 31 de xineru del 2006, el World Aquarium anunció que "We" foi adoptáu pola Corporación Nutra Pharma, una compañía de bioteunoloxía que creaba tratamientos usando venenu y toxines modificaes de la cobra. "We" morrió de causes naturales na edá d'ocho años en xunu de 2007.

Los animales de campu de dos cabeces viaxen dacuando colos espectáculos d'animales nes feries de condaos. Munchos museos d'historia natural contienen animales de dos cabeces calteníos. El Muséu de Lausana en Lausana, Suiza, y el Muséu de Ripley, ¡anque usté nun lo crea! en Gatlinburg, Tennessee, tien coleiciones d'animales de dos cabeces calteníos.

Anatomía y aptitú

Una semeya de Chang y Eng Bunker, alredor de 1836.

Cada cabeza d'un animal policefálico tien el so propiu celebru, y comparten de dalguna manera'l control de los órganos y miembros, anque la estructura específica de les conexones varien. Los animales muévense de cutiu d'una manera desnortiao y amoriao, colos celebros "aldericando" l'unu col otru; dellos animales a cencielles zigzaguean ensin consiguir llegar a nengún llugar. Les cabeces de les culiebres policefálicas pueden atacase ya inclusive intentar tragase ente sigo. Asina, los animales policefálicos ruinamente sobreviven na vida selvaxe comparáu a los animales monocefálicos normales.

La mayoría de les culiebres de dos cabeces viven solamente per dellos meses, anque dalgunes, que se reportaron, pueden vivir una vida completa ya inclusive se reproducieron con un descendiente nacíu con total normalidá. Una culiebra albina negra de dos cabeces, colos gargüelos y los estómagos separaos, sobrevivió por 20 años. "We", la culiebra albina d'aguarón de dos cabeces, sobrevivió en cautiverio por 8 años. Esiste cierta especulación que la endogamia de culiebres en cautiverio aumenta les ocasiones d'una nacencia con esta anomalía.

Un famosu casu modernu ye'l de les ximielgues humanes dicefálicas Abigail y Brittany Hensel, nacíes en 1990. Les ximielgues tienen dos cabeces, dos corazones, trés pulmones, y dos migollos espinales, y comparten los otros órganos. Cada ximielga controla los miembros nel so respeutivu "llau", y con coordinación pueden caminar, correr, ya inclusive tocar el pianu.

¿Unu o dos animales?

Ye difícil dibuxar la llinia ente qué se considera "un animal con dos cabeces" o "dos animales que comparten un mesmu cuerpu". Con al respeutive de los seres humanos, considerar a los ximielgos siameses dicéfalos tales como Abigail y Brittany Hensel "ximielgues", esto ye, dos individuos. Esto tien sentíu pos hai una gama de formes de siameses, y los ximielgos siameses non dicéfalos pueden ser xebrables con ciruxía, como ye'l casu de Chang y Eng Bunker. Anque les ximielgues Hensel tengan solamente un par de brazos y piernes en total, cada ximielga controla una "parte" de los miembros del cuerpu. Per otra parte, a Syafitri, nacida nel añu 2006 n'Indonesia, los sos padres diéron-y un solu nome porque tenía solamente un corazón.^[1] Con otros animales, policefalia descríbese xeneralmente como "un animal con dos cabeces". Unu de les cabeces, especialmente n'animales de tres cabeces, pue ser mal desenvuelta o malformada, y non "participa" enforma.