Policarpo Paz García
Presidente d'Hondures 7 agostu 1978 - 27 xineru 1982 ← Juan Alberto Melgar Castro - Roberto Suazo Córdova →
Vida
Nacimientu	Goascorán (es) , 7 d'avientu de 1932
Nacionalidá	Hondures
Muerte	Tegucigalpa, 16 d'abril de 2000 (67 años)
Causa de la muerte	insuficiencia renal
Estudios
Estudios	Academia Militar d'Hondures Xeneral Francisco Morazán
Oficiu	políticu, líder militar
Graduación	xeneral
Creencies
Relixón	catolicismu
Partíu políticu	dictadura militar (es)

Policarpo Juan Paz García (7 d'avientu de 1932, Goascorán ^(es)  – 16 d'abril de 2000, Tegucigalpa) foi Xefe d'Estáu nuna Xunta Militar de Gobiernu dende'l 8 d'agostu de 1978 y darréu proclamáu cuarentenu sestu presidente de la república d'Hondures ente'l 27 de xineru de 1980 a 26 de xineru de 1982.

Biografía

Policarpo Paz García nació na aldega L'Arada, conceyu de Goascorán, departamentu de Valle, el 7 d'avientu de 1932. Tuvo casáu con Carlota Márquez de Paz García, con quien procreo 5 fíos: Alba Ahydeé, Sandra Elena, Policarpo, Oscar Alberto y Nilda Regina. Los sos padres fuero Eusebio Paz y Elena García. Comandante de les tropes hondureñes integrantes de la Fuercia Interamericana de Paz na República Dominicana en 1965, pa restablecer el gobiernu de Juan Bosch, foi depués comandante d'Operaciones mientres la guerra Honduras-El Salvador en xunetu de 1969. Foi xubíu a coronel.

Por disposición del Conseyu Cimeru de les Fuercies Armaes d'Hondures sustituyó a Juan Alberto Melgar Castro na Xefatura de les Fuercies Armaes d'Hondures n'agostu de 1978. Ye xubíu a Xeneral de Brigada. Integra la Xunta Militar de Gobiernu xunto al coronel d'aviación Domingo Álvarez Cruz y el teniente coronel d'infantería Amílcar Zelaya Rodríguez, dende'l 7 d'agostu de 1978 hasta'l 25 de xunetu de 1980. Convoca a eleiciones xenerales pa la integración d'una Asamblea Nacional Constituyente'l día 20 d'abril de 1980. Instalada l'Asamblea Nacional Constituyente'l 20 de xunetu de 1980 en Tegucigalpa, recibe un votu de reconocencia de l'Asamblea Constituyente y ye depositariu de la presidencia de la República'l día 25 de xunetu de 1980.^[1] Robla'l Tratáu xeneral de paz con El Salvador.

Convocáu'l pueblu hondureñu a eleiciones xenerales pal periodu 1982-1986, resulta triunfante la fórmula Presidencial del Partíu Lliberal el día 29 de payares de 1981. Preside los actos de juramentación de la nueva Constitución Política'l 21 de xineru de 1982, por aciu decretu númberu 131 del 11 xineru de 1982. Clausura les sesiones l'Asamblea Constituyente'l 20 de xineru de 1982. Ye xubíu a Xeneral de División. El día 27 de xineru de 1982 fai entrega de la presidencia de la República al doctor Roberto Suazo Córdova na ciudá de Tegucigalpa, nes instalaciones del estadiu nacional. Ye consideráu como'l baluarte de la democracia hondureña, yá que foi él quien promovió la transición a los gobiernos llegalmente constituyíos.

Dende entós vivió dedicáu a los sos llabores privaos na ciudá capital de Tegucigalpa hasta'l so decesu, asocedíu nesa ciudá a los 67 años el 16 d'abril de 2000 por causa d'una insuficiencia renal.

Gabinete de gobiernu constitucional 1980-1981

Fuentes

• honduraseducacional.com; Tegucigalpa
• El Mundo d'España, Opinión; Obituariu de Policarpo Paz García

Notes y referencies

Predecesor: Xunta Militar d'Hondures 1978-1980

Presidente d'Hondures 1978 - 1982

Socesor: Roberto Suazo Córdova