Estadiu

Equí débese participar en distintos torneos nos que se va deber ganar ocho batalles. Son en total cuatro copes. Dos d'elles compónense de cuatro niveles: Pokéball, Súperball, Ultraball y Masterball.

• Poké Copa: el campeonatu oficial de la lliga Pokémon, tornéu con Pokémon de nv 50-55. Mew y Mewtwo nun pueden entrar. Ta compuesta de cuatro niveles.
• Pika Copa: nesti tornéu déxense Pokémon de nv. 15-20.
• Mini Copa: equí namái hai Pokémon de primer nivel ente los niveles 25-30. Nun se dexen Pokémon evolucionaos nin enormes, nin nengún llexendariu.
• Súper Copa: Tolos Pokémon pueden entrar y nun hai restricciones de nivel, Pokémon de nv. 100 y compónse de cuatro niveles.

Castiellu del Gim. Líder

Equí enfréntase a los líderes de ximnasiu de los xuegos Pokémon Coloráu, Azul y Mariellu cada unu acompañáu de tres entrenadores de proteición que tienes de vencer primeru. Depués siguen los enfrentamientos cola Elite Four/Altu Mandu y finalmente col rival (Gary Oak).

Vs. Mewtwo

Esta manera namái apaez una vegada pasaes toles copes del Stadium y completar el Castiellu del Gim. Líder. Entós va apaecer Mewtwo volando pel cielu y tou va escurecese. Equí'l xugador va enfrentar al últimu retu del xuegu, que ye Mewtwo. A pesar de ser namái un Pokémon puede ensin munchos problemes vencer a un equipu de 6, polo que'l xugador pon a prueba les sos habilidaes de combate y estratexa nesta batalla. Una vegada que Mewtwo ye vencíu, van apaecer los creitos, la pantalla d'entamu va camudar y va ser posible aportar al Round-2, onde les batalles nel Estadiu y el Castiellu de Líder de Ximnasiu fáense más difíciles. Cuando se complete va apaecer Mewtwo en R-2 y el xugador tendrá d'enfrentase a él pa completar el xuegu.

Batalla Llibre

Esta manera nun ye un retu. Más bien, ye pa xugar con amigos y/o entrenar col ordenador. Equí escuéyense pareyes, les regles (que pueden ser llibres 6 vs 6 en nv 50, o de les copes) y cada unu escueye 6 Pokémon de los 149 (pueden variar según les regles) o de cartuchos. Mewtwo namái puede escoyese dende un cartuchu de Game Boy y Mew al escoyer les regles de la Súper Copa en R-2. Cuando tou tea llistu escuéyese l'orde de los Pokémon (si ye un equipu de dos persones cada unu va escoyer trés, y quien controle depende de quién escoyó'l Pokémon que llucha). Al terminar la batalla escuéyese:

• Volver lluchar
• Camudar equipu *

Volver al menú principal

Torre GB

Inxertando nel Transfer Pak (incluyíu al mercar nuevu'l xuegu) nun control, y de la mesma nel Transfer Pak asitiar Pokémon Red, Pokémon Blue o Pokémon Yellow (xuegos pa la consola portátil Game Boy), que ye posible xugar con ellos na Torre Game Boy. Hai de solliñar que cuando ganes el Castillo del Gim. Líder o les copes del Estadiu, el xugador recibe la Torre GB Doduo, que dexa xugar al doble de velocidá, y al ganar dambos, la Torre GB Dodrio, pa xugar al triple de rápidu. Sobre la tema de los cartuchos de Game Boy, ye tamién mencionable la siguiente seición del xuegu.

Llaboratoriu del Prof. Oak

Precísase obligatoriamente un cartuchu de Game Boy pa entrar a esta manera. Ye básicamente una versión más grande de el to PC y PC de Bill del cartuchu de Game Boy, pero con delles diferencies. Ye muncho más prestosa de remanar y entamada que la del GB pola cantidá de botones y opciones. Por casu, l'apartáu "Ver Llista" dexa dar una güeyada rápida a tolos Pokémon que fueron prindaos o si tar y yá non, les sos estadístiques, niveles, etc., y da-yos oxetos como vitamines o MTs (previu llogru nel xuegu). Sobre esta seición, otra opción destacable ye'l Pokédex, muncho más completo que'l del Game Boy: non yá informa ónde s'atopa un Pokémon, sinón tamién los niveles posibles y el grau de dificultá d'atopalo. Amás, cuenta cola opción de guardar Pokémon del cartuchu de Game Boy nel cartuchu de Nintendo 64 en casu de que les caxes del cartuchu portátil enllénense.

Palacio Victoria

Nun ye en realidá una manera de xuegu, namái se ven los Pokémon colos que se terminó la Mini Copa, Pika Copa, Master Ball de Poké Copa y Master Ball de Súper Copa; o'l Castiellu del Gim. Líder sobre altares y al pulsiar A sobre ellos apaez no que ganó y los sos datos. Si'l Pokémon ganador ye del xuegu de Gameboy, les lletres coles que s'amuesen son doraes. Una vegada que se completen los 150, va apaecer una ventana amosando un iconu de toles especies y Psyduck va aprender el movimientu Amnesia.

Kids Club

Equí pueden xugase con amigos nueve minixuegos. Son:

• “Chiscadura de Magikarp”: el que salte y -y de más vegaes al pulsiador, gana.
• “Clefairy diz...”: el que ponga l'orde correutu de pasos hasta que nun quede naide o tenga más mididor gana.
• “¡Cuerre, Rattata, cuerre!”: carrera saltando torgues, el primeru que llegue a la meta gana.
• Guerra de ronquíos, de Drowzee: tienes de llanzar Hipnosis a un pendilexu cuando tea nel centru pa evitar quedase dormíu. El postreru que quede ensin talo, gana.
• “Dinamo de truenu” de Pikachu y Voltorb: tienes d'enllenar un xenerador llétricu primiendo A o B según el color del xenerador col del botón, el primeru n'enllenalo gana.
• “¡A pol sushi!” de Lickitung: tienes de comer una serie de platos con distintu valor que-yos dan puntos (dineru), el que coma los platos más caros y con más combu, va ganar el xuegu. Pa faer combos, solamente hai que comer el mesmu platu delles vegaes siguíes, hasta que comes 5 (×5) y nun puedas multiplicar más el valor d'este.
• “Aniellos d'Ekans”: tien d'apuntase y llanzar unos Ekans escontra los Diglett pa ganar puntos. Si apaez un Diglett doráu y prindar, te va bonificar con 3 puntos. El que consiga más puntos gana'l xuegu.
• “Duru como una roca” de Metapod y Kakuna: tienes d'usar Fortaleza pa protexete de les roques que te llancen.

GÜEYU: nun abuses del endurecimientu, úsalo xusto nel momentu porque ésti puede baxar el to mididor de salú cuanto más tiempu tengas primíu'l botón. Gana'l postreru que consiga sobrevivir.

• ¡Cava! ¡Cava! ¡Cava! de Sandshrew: unos Sandshrew tienen d'escavar primiendo L y R simultáneamente p'atopar un guéiser, el primeru que lo faiga, va ganar el xuegu.

Si consigues cinco rondes de ¿Quién ye'l meyor? en nivel difícil con 1 xugador vas poder desbloquiar la manera Híper, nel que los minixuegos van ser entá más difíciles.