| Sablera de L'Espartal | ||
|---|---|---|
| Llocalización | Castrillón | |
| [editar datos en Wikidata] | ||
Al oeste de la ría d'Avilés, en Castrillón, un arcu de sable de más de tres quilómetros y mediu de llonxitú, forma les sableres de Salinas (más occidental y urbanizada dafechu), L'Espartal (ún de los conxuntos de tombos más grandes de la rexón Cantábrica) y San Xuan (tamién protexida). El sistema de tombos (dunes) alcanza de xemes un altor de más de 15 metros y una estensión d'un quilómetru dica l'interior, siendo frenaos éstos poles marismes del ríu Raíces, formando un paisaxe desérticu en comparanza colos montes verdes y el mar.
Pero nun sólo ye atrautivu dende'l puntu de vista paisaxísticu sinón dende l'ámbitu ecolóxicu; yá que nella tan plantes en peligru de desanicie, dende la espigadiella de mar dica'l carretón de sablera. Na fauna cabe dicir qu'ellí ta la mayor población de llagartexa d'Asturies xunto con Xagón (Gozón).
La construcción de la carretera que va dende Salinas hasta San Xuan, crucia'l campu de tombos; fayendo que, dende la so construcción, la fastera dunar que ta ente ésta y el ríu Raíces dexara de funcionar y nun tornara a formase dunes, colo cuál endagora, medren pinos y xiniestes, formando un paisaxe Mediterraneu (fíxose una área recreativa).
Una rede de pontes, barandielles, pasareles y siendes faen afayadiza la visita, complementada con paneles esplicativos.
