Baxu alemán menonita 'Plautdietsch'
Faláu en	Alemaña  Rusia  Canadá Costa Rica Costa Rica  Estaos Xuníos d'América  Ucraína  Kazakstán  Méxicu  Paraguái  Bolivia  Belize  Brasil  Uruguái  Perú  Chile  Arxentina  Hondures  República Dominicana
Familia	Indoeuropéu   Xermánicu     Xermánicu occidental       Baxoxermánicu         So alemán
Dialeutos	Baxu alemán occidental Baxu alemán oriental
Estatus oficial
Oficial en	nengún país
Reguláu por	Nun ta reguláu
Códigos
ISO 639-1	nengún
ISO 639-2	nds
ISO 639-3	pdt

Plautdietsch o baxu alemán menonita ye un grupu de dialeutos rellacionaos col baxu alemán falaos en Canadá, Costa Rica, Estaos Xuníos, Méxicu, Brasil, Perú, Bolivia, Paraguay, Chile, Honduras, Belice y Arxentina por unos 300 000 menonites, miembros d'un grupu relixosu que fuxeron de la persecución que sufríen nos Países Baxos y Bélxica nel sieglu XVI y asitiáronse col tiempu pela redolada de l'actual ciudá polaca de Gdansk (conocida n'alemán como Danzig). D'oríxenes principalmente frisio, flamencu y saxón, adoptaron el dialeutu del baxu alemán que se falaba na Prusia occidental pero caltuvieron daqué del vocabulariu holandés mientres vivieron nel delta del ríu Vístula de la Prusia imperial dende 1550 hasta 1790 aproximao.^[1] Al terminar el sieglu XVIII, l'Imperiu rusu convidó a alemanes y persones del reinu de Prusia a colonizar una área que Rusia adquiriera nes guerres turcu-ruses en 1768-1774. Numberosos menonites fundaron colonies de la rexón del Mar Negru, na actual Ucraína. Aproximao un sieglu dempués, munchos de los sos descendientes emigraron a América —especialmente Canadá, Estaos Xuníos y Méxicu n'América del Norte y Paraguái y Bolivia en Suramérica —, la mayoría d'ellos como llabradores. Como yera d'esperar, a midida que asitiábense en distintos países, fuéronse incorporando al so idioma pallabres de la llingua llocal.

Anguaño, el plautdietsch fálase en Méxicu (alredor de 100 000 persones, especialmente en Chihuahua, Durango, Zacatecas, Aguascalientes y Campeche), Alemaña (100 000), Bolivia (80 000), Paraguái (40 000 persones en Filadelfia, Loma Plata, Neuland), Canadá (particularmente Manitoba, Saskatchewan y Ontario), Brasil (10 000), Belice (10 000), Costa Rica (alredor de 2000, nes colonies menonites, principalmente la de Zona Norte), Arxentina (2000) y los Estaos Xuníos (Kansas, Nebraska, Seminole). Hai dos dialeutos principales d'esta llingua, que tracen les sos diferencies a los dos colonies orixinales establecíes na actual Ucraína: la Chortitza o Colonia Vieya y Molotschna o Colonia Nueva. Los descendientes de los qu'emigraron a Canadá anguaño falen casi puramente inglés. Por casu, Homer Groening, padre de Matt Groening (creador de The Simpsons), aprendió plautdietsch de neñu en Saskatchewan na década de 1920, pero Matt nunca lo aprendió.

Comparanza con idiomes rellacionaos

El plautdietsch tien una base del baxu saxón y, poro, nun sufrió los efeutos de la mutación consonántica que dixebró al altu alemán del baxu alemán y del restu de los idiomes xermánicos. Trátase entós d'un dialeutu del alemán que, filológicamente falando, atópase más alloñáu del altu alemán (Hochdeutsch) o escritu que, por casu, el yiddish que falen munchos xudíos. Asina podemos notar les siguientes diferencies:

Referencies

Enllaces esternos

Wikimedia Incubator

Prueba Wikipedia en Plautdietsch na Incubadora de Wikimedia

• Was ist Plautdietsch (n'alemán)
• Plautdietsch-Freunde y.V.
• Opplautdietsch.de - Plautdietsch Radio y.V. Detmold, Alemaña
• Plautdietsch.ca - written and audiu resources
• Dialect Literature and Speech, Low German from the Global Anabaptist Mennonite Encyclopedia
• Pennsylvania German vs Plautdietsch among Mennonites
• Plautdietsch online Dictionary and grammar guide
• Peter Wiens - a German Plautdietsch blogger
• Plautdietsch course (project)
• [http://www.mensajerofm.org Radioprogramme in Spanisch, Guarani, Deutsch und Plattdeutsch. (Aus Paraguay!)
• Diccionariu Español-Plautdietsch
• Dictionary Spanish-Plautdietsch

Ver tamién

• Carlos Reygadas y la so película Lluz silencioso (Stellet licht), falada en plautdietsch.