Pilote
Datos
Tipu	publicación periódica
Fundación	1959
Fin	1989
Idioma	francés

Pilote (Mâtin, quel journal !) ye una revista selmanal francesa de cómic creada el 29 d'ochobre de 1959 y qu'apaeció por última vez n'ochobre de 1989.

Presentación

Arriendes de cómic, Pilote publicaba tamién noveles, reportaxes y chistes de tou xéneru. Cambió radicalmente'l mundu del cómic francófonu. Dende'l veranu de 2003, nuevos númberos foron asoleyaos con una periodicidá «irregulomanal», nun apaeciendo más que cuando les páxines tán preparaes. El so slogan conviértese entós «Pilote, el tebeo que s'anima a tornar».

A la so creación, el direutor de la publicación yera Jean Hébrard, el redactor xefe François Clauteaux, reemplazáu por Raymond Joly depués de seis númberos y René Goscinny entós secretariu de redaición. La periodicidá de partida yera selmanal.

Cronología editorial

• 1960 : Georges Dargaud recompra'l periódicu. El redactor xefe ye Denis Lefèvre-Toussaint.
• 1962 : Nuevu redactor xefe, Marcel Bisraux.
• Fin de 1963, Pilote va mal, René Goscinny y Jean-Michel Charlier son nomaos redactor xefe y encargaos de rellanzar el periódicu. .
• 1974 : René Goscinny suelta les riendes, Guy Vidal conviértese en redactor xefe. En xunu, Pilote conviértese en mensual.
• 1986 : Fin de Pilote mensual, fusión con Charlie Mensuel, el tebeo toma entós el nome Pilote & Charlie.
• 1988 : Retoma del nome de Pilote.
• Ochobre de 1989 : Fin de l'aparición de Pilote.
• 19 de xunu de 2003 : aparición d'un númberu especial.
• Setiembre de 2004 : aparición d'un númberu « especial Navidá 2004 ».

Series famoses

Numberoses series de cómic franco-belxicanu que se tornaron famoses entamaron la so carrera en Pilote. Podemos citar por orden cronolóxicu de la so primera aparición:

• 1959 :
  • Astérix el Galu (de René Goscinny y Albert Uderzo)
  • Tanguy et Laverdure (de Jean-Michel Charlier y Albert Uderzo)
  • Le démon des Caraïbes, futuru Barbe-Rouge (de Jean-Michel Charlier y Victor Hubinon)
• 1963 :
  • Achille Talon (de Greg)
  • Grand Duduche (de Cabu)
  • Fort Navajo (antecedente de Blueberry, de Gir, alias Jean Giraud y Jean-Michel Charlier)
• 1965 :
  • Philémon (de Fred)
  • Les Dingodossiers (de René Goscinny y Marcel Gotlib)
• 1966 :
  • Blueberry
• 1967 :
  • Lucky Luke (de René Goscinny y Morris) que yera publicáu enantes na revista Spirou
  • Valérian (de Jean-Claude Mézières y Pierre Christin)
• 1968 :
  • Iznogoud, (de René Goscinny et Tabary)
  • Rubrique à brac (de Marcel Gotlib)
• 1969 :
  • Cellulite (de Claire Bretécher)
• 1970 :
  • Lone Sloane (de Philippe Druillet)
• 1971 :
  • Le Concombre Masqué (de Mandryka)
• 1972 :
  • Brindavoine (de Jacques Tardi)
• 1973 :
  • Le Génie des alpages (de F'murr)
• 1975 :
  • Léonard (de Turk y De Groot)
• 1978 :
  • Les Phalanges de l'Ordre Noir (de Pierre Christin y Enki Bilal que collaboraron con Pilote dende 1972)
  • Le Vagabond des Limbes (de Ribéra y Christian Godard)

Referencies

Enllaces esternos

• La memoria de Pilote