Una peluquería o barbería ye un local onde s'ufierten dellos servicios estéticos, principalmente'l corte de pelo, pero tamién suelen realizase otros como afaitáu, depilado, manicura, pedicura, etc. Cuando se trata de munchos servicios distintos suel llamase salón de guapura.
La referencia más antigua que se tien sobre la esistencia de los cuidos cosméticos nel pelo únvianos a Exiptu, onde s'empezar a realizar los cambeos más significativos tocantes a la cosmética capilar. Nesa nación tan grandiosa culturalmente, el pueblu -como asocedía en munchos otros- pulgábase la cabeza, anque non asina los sacerdotes y los miembros de la elite gobernante, que se dedicaba a curiar el so pelo xugando con distintos peñaos y tonalidaes. Les peluques tamién tuvieron la so puxanza, y predominaben les tradicionales de pelo llaciu, con flequillu, cortáu bien pareyu nuna llongura que llegaba a los costazos.
Pero otru gran apurra de los exipcios foi tocantes a la coloración, yá que afayaron la utilidá de la henna, que-yos dexó llograr colores acolorataos y caobes. [ensin referencies]
Ferramientes de peluquería
Los preseos de peluquería podemos clasificalos en cinco grupos esenciales pa la facilitación del so estudiu:
- Preseos principales: son aquellos preseos colos que se realicen les xeres de peluquería: peñes, cepiyos, tisories, pinces, etc.
- Preseos auxiliares: son aquellos oxetos que s'empleguen pa facilitar el trabayu colos primeros y tamién como material de proteición: Bigudíes, redecillas, guantes, gorros, toallas, capes de corte etc.
- Preseos de llaboratoriu: son aquellos materiales que s'empleguen pa realizar los amiestos de sustancies químiques (tintes, agua osixenada, etc.): recipientes de vidriu, papel tornasol, etc.
- Aparatología: conxuntu d'aparatos diseñaos pa la realización de les téuniques de peluquería, según pa la detección y tratamientu de los problemes capilares que se presenten con más frecuencia nel salón de Peluquería: secadores, vaporizadores, esterilizadores, microvisor, llámpara infrarroxa, etc.
- Material moblame: son aquellos elementos del moblame que participen na execución de les xeres de peluquería y na atención al veceru: lavacabezas (antes llamaes bacíes de barberu), meses auxiliares, espeyos, sillones, etc.
Barberíes famoses
- Truefitt & Hill, la primer barbería (como les conocemos anguaño) del mundu.
- Geo.F. Trumper
- Taylor of Old Bond Street
Ver tamién
- Peñáu
- Peluquería canina
- Salón de guapura
- Muséu d'Historia de la Peluquería
Referencies
Enllaces esternos
Wikimedia Commons acueye conteníu multimedia sobre Peluquería.
Referencies
