Pedro Menéndez de Avilés
gobernador real de La Florida (es) 1565 - 1574 - Diego de Velasco → gobernador de Cuba (es) adelantado de la Florida Española (es)
Vida
Nacimientu	Avilés, 15 de febreru de 1519
Nacionalidá	España
Muerte	Santander, 17 de setiembre de 1574 (55 años)
Causa de la muerte	Tifus
Familia
Familia	ver Jorge Ilegal
Estudios
Llingües falaes	castellanu[1]
Oficiu	esplorador, militar, marineru, oficial naval
Premios	ver Maestre de la Orden de Santiago
Graduación	xeneral
Creencies
Relixón	Ilesia Católica

Casa natal de Pedro Menéndez

Pedro Menéndez de Avilés (15 de febreru de 1519, Avilés – 17 de setiembre de 1574, Santander) foi un militar y marín asturianu que foi'l primer gobernador de Florida so la Corona de Castiella. Fundó la ciudá de San Agustín el 28 d'agostu de 1565, l'asentamientu continuu d'europeos más antiguu nos actuales Estaos Xuníos.

Tenía 46 años cuando algamó'l máximu rangu dientro de l'Armada Española. En 1554 mandara la flota qu'unvió'l rei Felipe II a Inglaterra pa casase cola reina María; en 1561, dirixó la flota de galeones que tresportaben los metales preciosos dende Méxicu. Tres unos años nos que cayó en desgracia, foi nomáu adelantado de Florida pa esplorala y colonizala. Llegó al so destín el 28 d'agostu de 1565, día de San Agustín. Alcontrándose con una colonia d'hugonotes que yá taben establecíos, pasólos a cuchellu y los sobrevivientes qu'intentaron fuxir foron algamaos a la vera d'un ríu u foron degollaos: el ríu tomó'l nome de Matanzas (anguaño St. Johns). Tres afitar el dominiu español en Florida, percorrió'l Caribe persiguiendo pirates, tornando a España en 1567.

Nel so honor, Avilés recibe'l nome de Villa del Adelantado.

Referencies

Enllaces esternos

• Wikimedia Commons acueye conteníu multimedia sobre Pedro Menéndez de Avilés .