Patrimoniu de la Humanidá
designación de patrimonio (es) y designación de conservación (es)
patrimomiu natural y patrimoniu cultural
Mapa d'allugamientu
Web oficial

«Patrimoniu de la Humanidá» ye'l títulu que recibe un sitiu específicu (seya viesca, monte, llagu, ermu, edificación, complexu o ciudá) que foi nomáu pal programa internacional Patrimoniu de la Humanidá pol comité de la Organización de les Naciones Xuníes pa la Educación, la Ciencia y la Cultura (UNESCO) debíu a la so importancia esceicional, cultural o natural.

L'oxetivu del programa ye catalogar, preservar, y dar a conocer sitios d'importancia cultural o natural esceicional pa l'heriedu común de la humanidá. Embaxu delles condiciones, los sitios mencionaos puen obtener fondos de la fondación pa la conservación del Patrimoniu de la Humanidá. Foi fondáu pola Convención pa la proteición de l'heriedu cultural y natural de la humanidá, que darréu foi adoptáu pola conferencia xeneral de la UNESCO'l 16 de payares de 1972. Dende entós, 180 países ratificaren la convención.

Nel añu 2018 el catálogu inclúi un total de 1.092 sitios: 845 culturales, 209 naturales y 38 mixtos, repartíos por 167 países. Los que tienen más son Italia (54 sitios), China (53 sitios), España (47 sitios), Alemaña (44 sitios), Francia (44 sitios), India (37 sitios) y Méxicu (35 sitios). Castiella y Llión ye la rexón del mundu con más bienes culturales Patrimoniu Mundial, ocho, per delantre de les rexones italianes de la Toscana y Lombardía, caúna con seis.

Referencies

Enllaces esternos

• Wikimedia Commons tien conteníu multimedia tocante a Patrimoniu de la Humanidá.