Parque del Monte de Riañu y Mampodre
Situación
País España
Autonomía Castiella y Lleón
Tipu área protexida
Coordenaes 43°02′56″N 5°10′40″W / 43.0489°N 5.1778°O / 43.0489; -5.1778
Parque del Monte de Riañu y Mampodre alcuéntrase n'España
Parque del Monte de Riañu y Mampodre
Parque del Monte de Riañu y Mampodre
Parque del Monte de Riañu y Mampodre (España)
Datos
Superficie 120 760 ha y 101 258,87895 ha[1]
Cambiar los datos en Wikidata

El Parque del Monte de Riañu y Mampodre (hasta Ochobre'2019 anomáu Parque Rexonal de Picos d'Europa) ye un espaciu natural protexíu alcontráu nel estremu nordeste de la provincia de Llión, comunidá autónoma de Castiella y Llión, España.

Coincide na so parte más nórdica col Parque Nacional de los Picos d'Europa, pero nun se deben confundir, una y bones el Parque Nacional alluga'l verdaderu macizu montascosu emblemáticu que son los Picos d'Europa.

Llocalización

Ta asitiada nel nordeste de la provincia de Llión. Puede aportase dende Boñar pola comarcal -Y-331 direición  puerto de San Isidro o pola nacional N-625 direición Cistierna y N-621 #direición Riañu.

Paisaxe

Los Picos d'Europa son la mayor formación caliar de la Europa Atlántica con importantes procesos cársticos, torques que lleguen a más de 1.000 m y erosión glaciar bien patente. Territoriu abrupto y de fuertes pindios, nos sos regueros y montes, nos sos praos y riscos, abelúguense y perviven seres escaecíos yá en munchos llugares y patrones culturales únicos. Vida en presente, parte del nuesu pasáu y un referente pal futuru. Pero equí hai muncho más que paisaxe, hai sieglos d'historia escritos nos pueblos, nos valles, nes ilesies, nes cabañes de los puertos y nos sos caminos pero tamién nes sos xentes, unos pobladores que, a lo llargo de sieglos, compatibilizaron la so vida col caltenimientu de la naturaleza. Unos pobladores ensin los qu'estes tierres nun seríen como son anguaño. Ente los cumes destaca la mayor de la comunidá autónoma,  Torre Zarréu con 2.650 metros d'altitú. Esisten abellugos pa montañeros distribuyíos pol Parque, como los de Vegabaño y Collada Jermoso.

Vexetación

Los fayedales son el monte principal del Parque Rexonal. Chiscando a estos, entemeciéndose con ellos crecen los xardones, qu'ocupen los valles reverdecíos; los texos, que crecen nos ribayos avesíos y los carbayos, que xuben peles fasteres de los sos montes descarnaos. L'abeduriu ta representáu por montes que formen la llende natural de los fayedales xilizos de la zona. Nel Parque Rexonal atópense representaes toles especies del monte atlánticu.

Fauna

Ente los sos riscos habita'l robecu, nos tupios montes los corzos y los llobos, con presencia ocasional d'osos que siguen visitando estos llares como antaño. Nel Parque habiten más de 100 especies d'aves, ente les que destaquen el urogallo, el picamaderos negru, la utre leonado, l'águila real, el alimoche y l'ocasional pero cada vez más frecuente frangüesos.

Valores que xustifiquen la so declaración

  • Zona d'Especial proteición pa les aves (dende 2000).
  • Llugar d'Interés Comuñal (dende 2004).
  • Plan de Recuperación del Osu Pardo.
  • Zona d'Especial Proteición pal urogallo cantábricu.
  • Zones Naturales d'Interés Especial (Llei 8/91 CyL).
  • Zona Húmeda Catalogada.
  • Catálogu de Especímenes Vexetales de singular Relevancia.

Ver tamién

  • Picos d'Europa
  • Parque nacional de Picos d'Europa
  • Espacios naturales protexíos de Castiella y Lleón

Referencies

  1. ↑ Afirmao en: Inventario de áreas designadas nacionalmente. Data de consulta: 26 xunu 2021. Llingua de la obra o nome: inglés.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.