Parllamentu de Nueva Zelanda

Parllamentu de Nueva Zelanda
Datos xenerales
Tipu	bicameralismu y parllamentu unicameral
Estáu	Nueva Zelanda
Sede	Parliament House, Wellington (en)
Formáu por	Cámara de Representantes de Nueva Zelanda; Consejo Legislativo de Nueva Zelanda (es) ; monarca de Nueva Zelanda (es)
Composición
Númberu d'escaños	120
Más información
	parliament.nz

El Parllamentu de Nueva Zelanda (oficialmente New Zeland Parliament n'inglés y Pāremata Aotearoa en maorí) ye'l órganu llexislativu de dichu estáu oceánicu. Según la Llei de Constitución de 1986, ta formáu pola Monarquía —representada pol Gobernador Xeneral— y pola Cámara de Representantes, que ye comúnmente llamada «Parllamentu». Trátase d'una asamblea unicameral de 120 diputaos, magar en delles llexislatures el númberu d'escaños ye mayor, que son escoyíos por sufraxu universal direutu por aciu un sistema de representación proporcional mista; 70 diputaos son escoyíos en distritos uninominales y el restu en llistes presentaes polos partíos nuna circunscripción única a nivel nacional. La sede del Parllamentu de Nueva Zelanda ta na capital de país, Wellington.

La primer sesión del Parllamentu de Nueva Zelanda, qu'hasta 1986 foi l'Asamblea Xeneral, tuvo llugar el 24 de mayu de 1854 como resultancia de l'Acta de Constitución de Nueva Zelanda (1852), que dotó d'autonomía política a la entós colonia británica. Esti réxime caltúvose, con distintos cambeos, hasta 1947, cuando'l Parllamentu llogró'l control total de tolos asuntos que concerníen al país. Cabo añader que foi bicameral hasta l'añu 1951, yá que esistía una cámara alta denomada'l Conseyu Llexislativu (New Zeland Legislative Council) siguiendo'l modelu de la Cámara de los Lores.

Nueva Zelanda ye una democracia parllamentaria basada, como la mayoría de países anglosaxones, nel sistema Westminster. El partíu o coalición que tien la mayoría de los escaños ye'l que forma gobiernu, pero tamién puede formase un gobiernu en minoría col sofitu parllamentariu d'otros partíos anque nun formen parte del executivu. La Cámara de Representantes escueye d'ente los sos miembros al Primer Ministru, xeneralmente'l líder del partíu o coalición mayoritarios. Este preside'l gabinete que ta formáu por él y los sos ministros, nomaos pol Gobernador Xeneral a propuesta del xefe de gobiernu, y ye amás l'órganu que dirixe l'acción política.

Les últimes eleiciones tuvieron llugar el 23 de setiembre de 2017 y dieron pasu a la LII Llexislatura. Esta ye la composición de la Cámara de Representantes:

Cámara de Representantes de Nueva Zelanda LI Llexislatura (2017-)
	Partíu	Escaños	Votos	%
	New Zealand National Party (Partíu Nacional de Nueva Zelanda)	56/120	1 152 075	44,4
	New Zealand Labour Party (Partíu Llaborista de Nueva Zelanda)	46/120	956 184	36,9
	Green Party of Aorearoa New Zealand (Partíu Verde de Nueva Zelanda)	8/120	162 443	6,3
	New Zealand First (Nueva Zelanda Primero)	9/120	186 706	7,2
	ACT New Zealand (ACT Nueva Zelanda)	1/120	13 075	0,5

Bibliografía

Parllamentu de Nueva Zelanda (2006). «How Parliament works: People in Parliament» (inglés). Parliament.nz. Archiváu dende l'orixinal, el 15 de febreru de 2011. Consultáu'l 31 de xineru de 2011.

Referencies

Enllaces esternos

Wikimedia Commons tien conteníu multimedia tocante a Parllamentu de Nueva Zelanda.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.