Bandera panafricanista, tamién conocida como bandera UNIA (Universal Negro Improvement Association).

El panafricanismu o pan-africanismu ye un movimientu políticu, filosóficu ya social que busca promover y fortalecer los llazos de solidaridá ente toles xentes descendientes d'africanos. Basáu na conciencia d'un orixe común que se remonta al comerciu atlánticu d'esclavos, el movimientu espárdese per fuera d'África, y tien un sofitu importante na comunidá afroamericana caribeña y de los Estaos Xuníos[1]. Básase na creyencia en que la xunidá ye fundamental pal progresu económicu, social y políticu de la comunidá negra, y busca axuntar a toles persones descendientes d'africanos, que'l destín de so ta entrellazáu[2]- Podía definise como la creyencia en que los africanos, neto nel continente africanu que na diáspora, nun comparten namái una historia común, sinón tamién un destín común[3].

La Organización pa la Xunidá Africana (anguaño Xunión Africana) establecióse en 1963 pa salvaguardar la soberanía ya la integridá territorial de los sos miembros, y pa promover les sos rellaciones internacionales dientru del marcu de les Naciones Xuníes. La Comisión de la Xunión Africana tien la so sé n'Adís Abeba, y el parllamentu panafricanu asítiase en Johannesburgu.


Referencies

  1. ↑ Oloruntoba-Oju, Omotayo. Pan Africanism, Myth and History in African and Caribbean Drama. Journal of Pan African Studies. 2012;5(8):190 y ss.
  2. ↑ Frick, Janari, et al., History: Learner's Book. 2006, New Africa Books, p. 235.
  3. ↑ Makalani, Minkah (2011). "Pan-Africanism". Africana Age.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.