Paloma Sainz

Paloma Sainz
Vida
Nacimientu	Uviéu, 1961 (62/63 años)
Nacionalidá	España
Estudios
Llingües falaes	castellanu
Oficiu	política
Creencies
Partíu políticu	Partíu Socialista Obreru Español

Paloma Sainz (1961, Uviéu) ye una política asturiana. Llicenciada en Derechu pola Universidá d'Uviéu, ye funcionaria de carrera del Cuerpu Cimeru d'Alministradores dende 1987. Ente 2003 y 2007 foi Direutora Xeneral de Formación Profesional del Principáu d'Asturies.

Anguaño, ye la Vocera de la oposición al alcalde d'Uviéu, Gabino de Lorenzo, del Partíu Popular, que nes eleiciones municipales del 27 de mayu de 2007 revalidó la so mayoría absoluta, llogrando 17 de los 27 conceyales en tema. Sainz, al mandu de la candidatura del Partíu Socialista Obreru Español llogró 9, y Asamblea de Ciudadanos pola Izquierda (ASCIZ), 1.

El 25 de setiembre de 2010 el PSOE d'Uviéu proclama a Paloma Sainz como Candidata a l'Alcaldía d'Uviéu pa les eleiciones municipales de 2011, llogrando como resultáu 6 de los 27 conceyales , dexando al partíu socialista como tercer fuercia político nel Conceyu d'Uviéu.

Nel añu 2010 foi acusada por unu de los conceyales del Conceyu por irregularidaes na Empresa Venturo XXI, tornando'l Xuez la demanda interpuesta darréu por Sainz y afirmando qu'esistíen pruebes de que subvencionara al so propiu home, Victor González Marroquín.

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.