Historia y fonderada

La pagoda foi construyida orixinalmente pol gobernante del estáu de Wuyue, del que parte se convertiría más tarde na provincia de Zhejiang. El nome "Liuhe" provién de los seis ordenances budistes y dizse que la razón tres la construcción de la pagoda foi aselar les foles de marea del ríu Qiantang y favorecer la navegación fluvial. A pesar d'ello la pagoda foi dafechu destruyida mientres los combates pola rebelión de Fang La en 1121.

La pagoda taba en mala traza antes de 1900.

Dempués de que la pagoda actual fuera construyida de madera y lladriyu mientres la dinastía Song del Sur, añadiéronse nuevos bistechos mientres les dinastíes Ming (1368 - 1644) y Qing (1644 - 1911). La pagoda tien forma octogonal y casi 60 metros d'altu, amás de que dende fora aparenta tener 13 pisos a pesar de que solo consta de siete pisos interiores. Hai una escalera espiral que lleva al pisu cimeru y en cada unu de los siete techos pueden reparase figures pintaes o tallaes que representen animales, flores, aves y personaxes. Cada pisu de la pagoda ta formada por cuatro elementos: los murios esteriores, un corredor en zigzag, los murios interiores y una pequeña habitación. Vista dende fora, la pagoda paez tener una capa brillosa na so superficie cimera y una escura na inferior. Consíguese asina una alternanza harmoniosa de lluces y solombres.

Según l'historiador Joseph Needham, la pagoda sirviría tamién como faru pal ríu Qiantang. Dáu'l so considerable tamañu y altor paez probáu que sirvió como faru permanente casi dende'l principiu p'ayudar a los marineros que buscaben echar l'ancla pa pasar la nueche (como se describe nel Hangzhou Fu Zhi).^[1]

Inauguróse apocayá un pequeñu "Parque Pagoda". Les sos exhibiciones inclúin modelos d'antigües pagodes chines ya ilustra la gran diversidá nos diseños según la hestoria, cultura y símbolos acomuñaos cola pagoda.^[2] El 24 de xunu de 2011, ésti y otros elementos que conformen el paisaxe cultural del Llagu del Oeste en Hangzhou fueron declaraos Patrimoniu de la Humanidá pola Unesco.

Ver tamién

• Arquiteutura china

Bibliografía

• Needham, Joseph (1986). Science and Civilization in China: Volume 4, Physics and Physical Technology, Part 3, Civic Engineering and Nautics. Taipei: Caves Books, Ltd.

Referencies

• Esta obra remanez de la traducción de Liuhe Pagoda de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Wikimedia Commons acueye conteníu multimedia sobre Pagoda Liuhe.
• Pagoda de los Seis Harmoníes(n'inglés)
• Cultura y hestoria de la Pagoda Liuhe en Hangzhou(n'inglés)
• Galería de semeyes y descripción de la pagoda(n'inglés)