| Patrimoniu de la Humanidá — UNESCO | |
|---|---|
 Pagoda Baochu. | |
| Llugar |
 China |
| Criterios | Cultural: ii, iii, vi |
| Referencia | 1334 |
| Inscripción | 2011 (XXXV Sesión) |
| Área | Asia y Oceanía |
 | |
La Pagoda Baochu (chinu: 保俶塔; pinyin: Bǎochù tǎ) ye una pagoda en Hangzhou, provincia de Zhejiang, China. Conocida como unu de los llugares d'interés del Llagu del Oeste, atópase xusto al norte del llagu, sobre la Llomba de la Piedra Preciosa (宝石山, bǎoshíshān). La so pequeña base sostién siete pisos (45 metros) y da-y a la pagoda la so distintiva figura espodada y elegante.
El nome Baochu traduzse lliteralmente como "protexe a Chu", lo que, según la lleenda, referir a Qian Chu, últimu rei de Wuyue. La hestoria diz qu'unu de los ministros del rei Chu construyó'l templu por que se rezaren oraciones pol so regresu seguru d'un viaxe que realizara hasta Kaifeng, nel centru de China. El rei fuera reclamáu pol Emperador y pasaren munchos díes ensin noticies de la so vuelta.
L'edificiu foi construyíu orixinalmente en 963 con nueve pisos d'altor. La so última reconstrucción, en 1933, amenorgó llixeramente'l so tamañu, pasando a tener siete pisos, y apocayá camudóse l'aguya del so visu anque l'antigua exhíbese cerca de la pagoda. Foi construyida con piedra y lladriyos y ensin nenguna escalera nel so interior, cerca d'un camín que percuerre'l cordal al norte del Llagu Oeste. Puede aportase a la pagoda tantu por aciu caminos de tierra como d'escaleres de cementu disponibles dende casi cualquier llau del monte.
Referencies
- Chen, Gang (2003). China Travel Kit Series: Hangzhou (n'inglés). Foreign Languages Press. ISBN 7-119-03283-6.
- Prip-Møller, Johannes; On the Building History of the Pao Shu T'a; Journall of th Royal Asiatic Society of Great Britain and Ireland, North-China Branch, Vol LXVII (1936), p. 50-8
Enllaces esternos
Wikimedia Commons acueye conteníu multimedia sobre Pagoda Baochu.
| Control d'autoridaes |
|
|---|
Datos: Q977249- Multimedia: Baochu Pagoda