Oviedo Club Baloncesto
Situación
País España
Autonomía Principáu d'Asturies
Provincia Provincia d'Asturies
Conceyu Uviéu
Estáu España
Datos
Tipu club de baloncestu
Fundáu en2004
Entrenador Guillermo Arenas Milán
Categoría LEB Oru
Uniforme
Uniforme de baloncestu
Uniforme de baloncestu
Uniforme de baloncestu
Uniforme de baloncestu
Uniforme de baloncestu
Uniforme de baloncestu
Patrocinador Alimerka

http://oviedobaloncesto.com
Cambiar los datos en Wikidata

L'Uviéu Club Baloncestu (oficialmente en castellanu Oviedo Club Baloncesto, anguaño denomináu Alimerka Oviedo Baloncesto), ye un equipu de baloncestu con sede n'Uviéu, Asturies. Anguaño compite na LEB Oru , la segunda categoría del baloncestu español.

Historia

Partíu contra'l Ferrol CB correspondiente a la Lliga EBA 2009/10, nel polideportivu de Pumarín.

El club foi fundáu en 2004 como herederu del anterior club de la ciudá, el Club Baloncestu Vetusta. Na temporada 2004/05 empezó xugando na lliga EBA, anque esa mesma temporada baxó al campeonatu d'España de primer división masculina. Namái permaneció nesa división un añu, pos volvió a la lliga EBA en quedando en primer posición con un balance de 27 victories y nenguna derrota.

Na temporada 2006/07 quedó en primer posición del so grupu, lo que-y valió para metese na fase final d'ascensu, na que fueron esaniciaos n'octavos de final pel Ciudá Torrealta. Na temporada siguiente volvió quedar primero nel so grupu y na fase d'ascensu, celebrada n'Uviéu, el club llogró l'ascensu a la lliga LEB Bronce. Na primer temporada na nueva categoría consiguió la salvación en realizando una gran segunda vuelta.

Sicasí énte l'anunciu de la Federación Española de Baloncestu de reestructuración de les categoríes pa la temporada 2009/10, cola desapaición de la lliga LEB Bronce, el club tornó participar na lliga LEB Plata por non poder encarar los gastos que supondría la mayor categoría, inscribiéndose de nuevu na lliga EBA.[1]

La temporada 2009/10 foi bien esitosa, con namái dos derrotes na fase regular del campeonatu, llogrando, nes eliminatories d'ascensu, el derechu a participar na lliga LEB Plata.​[2] La Federación Española de Baloncestu consideró al OCB (denomináu esa temporada FEVE Oviedo) como'l meyor equipu de la lliga EBA d'esta temporada.[3]

Na temporada 2010/11, y calteniendo el bloque que la temporada anterior llogró l'ascensu, l'Uviéu algamó los play-off d'ascensu a LEB Oro, siendo esaniciáu en cuartos de final pol desapaecíu Club Baloncestu Promobys Tíjola. Destacó la presencia d'Ian O'Leary, quien llogró'l títulu de MVP de la lliga regular.

Na lliga LEB Plata temporada 2012/13, l'Uviéu Baloncestu perdió la final de la Copa Adecco Plata contra'l Ceba Guadalaxara, al que depués ganó na lliga regular. Clasificose pal ascensu direutu a la LEB Oru quedando primeru na lliga regular, ensin necesidá de xugar los play-off. El xugador americanu Will Hanley llogró'l MVP de la categoría nesa temporada.

Na Lliga LEB Oru 2013/14 l'Uviéu Baloncestu empezó coles mires de permanecer na categoría; sicasí, tres una campaña espectacular (especialmente cuando xugaben en casa) llograron clasificase como sextos pa los play-off d'ascensu, ganando na primer fase al Leyma Natura Coruña en 2 partíos y finalmente siendo vencíos pol Quesos Cerrato Palencia por 3-1. Mientres gran parte de la competición l'afición del Uviéu Baloncestu llevó un gran reconocencia gracies a les remontaes consiguíes pol equipu nos últimos minutos de los partíos. Tanto xugadores como equipu téunicu destacaron tol añu'l sofitu de l'afición, y el pabellón Luis Riera Posada ganóse'l llamatu d'El Fortín de Pumarín porque l'equipu ganó tolos partíos en casa de lliga regular sacante los dos últimos. La base titular del Uviéu Baloncestu, Fran Cárdenas, foi nomáu meyor base de la categoría LEB Oru.

La temporada 2014/15 trescurrió con muncha calma na metá de la tabla, afitándose l'equipu na categoría. Tres ello llegó Carles Marco y con mires de crecedera que se materializaron cola clasificación del equipu pa los cuartos de final d'ascensu a la Lliga Endesa onde fueron esaniciaos por Peñes Huesca.

La temporada 2016/17 foi la más esitosa del l'equipu. Fixo una gran plantía con xugadores de sonadía como Hernández-Sonseca o Dani Pérez y gana la copa Princesa d'Asturies en superando al Burgos CB en Pumarín. Remata la temporada en cuarta posición y xuega los play-off d'ascensu onde cai en semifinales con Quesos Cerrato Palencia. Esto repite la temporada siguiente, pos l'equipu vuelve rematar en cuarta posición y vuelve ser esaniciáu per Palencia. A la fin de temporada, Carles Marco anuncia que nun va siguir como entrenador; pocos díes dempués, el club anuncia que'l so socesor va ser Javi Rodríguez, quien foi segundu entrenador mientres les trés temporaes anteriores.[4]

Pabellón

L'equipu xuega los sos partíos como llocal nel polideportivu municipal de Pumarín, denomináu Luis Riera Posada n'honor al fináu presidente del club. Foi inauguráu en 1994 y cuenta con una capacidá para 400 espectadores sacante cuando asitien les graes supletories onde l'aforu puede algamar les 1.000 persones.​[5] Nel segundu semestre de 2009 realizáronse reformes nel polideportivu para afaelo a la normativa esistente para participar na lliga LEB.[6]

Trayeutoria

Temporada Lliga Posición Post temporada
2004/05 Lliga EBA 15ᵘ, grupu A Baxó
2005/06 1ᵉʳ División 1ᵘ Xubió
2006/07 Lliga EBA 1ᵘ, grupu A Octavu
2007/08 Lliga EBA 1ᵘ, grupu A Xubió
2008/09 LEB Bronce 14ᵘ –
2009/10 Lliga EBA 1ᵘ, grupu A Xubió
2010/11 LEB Plata 8ᵘ Cuartos
2011/12 LEB Plata 10ᵘ
2012/13 LEB Plata 1ᵘ Xubió
2013/14 LEB Oru 6ᵘ Semifinal
2014/15 LEB Oru 11ᵘ
2015/16 LEB Oru 4ᵘ Cuartos
2016/17 LEB Oru 4ᵘ Cuartos
2017/18 LEB Oru 6ᵘ Cuartos
2018/19 LEB Oru 4ᵘ Cuartos
2019/20 LEB Oru 16ᵘ
2020/21 LEB Oru 3ᵘ, grupu A Cuartos
2021/22 LEB Oru 6ᵘ Cuartos
2022/23 LEB Oru 14ᵘ

Plantía

Na temporada 2014-15 foi l'equipu d'España con mayor númberu de rookies universitarios estauxunidenses, con 3:[7]

  • Beau Levesque, procedente de Saint Mary's College Gaels
  • Will Neighbour, procedente d'Arkansas-Little Rock Trojans
  • Kyle Tresnak, procedente de Wright State Raiders

Temporada 2018/19

Oviedo Club Baloncesto - Plantía 2018-2019
XugadoresEntrenadores
NᵘNac.Pos.NomeAltorPesuProcedencia
4 B Cárdenas, Fran 1.77 m (5 ft 9.5 in) – Río Natura Monbus
6 A Puerto Guaita, Josep 1.99 m (6 ft 6.5 in) – Valencia BC
7 Bandera de Países Baxos P Van Zegeren, Joey 2.08 m (6 ft 10 in) –
8 Bandera de Finlandia B Aleksi Ahonen, Roope 1.88 m (6 ft 2 in) – Ourense Baloncesto
9 E Pérez Ramos, Víctor Manuel 1.98 m (6 ft 6 in) – Grupo Iruña Navarra
10 Bandera de Finlandia A Eemeli Nuutinen, Matti 2.02 m (6 ft 7.5 in) –
11 B Llorente, Sergio 1.84 m (6 ft 0.5 in) – CB Breogán
12 P Arteaga, Óliver 2.09 m (6 ft 10.2 in) – Club Melilla Baloncesto
13 Bandera de Lituania AP Jakstas, Rolandas 2.03 m (6 ft 8 in) – Cáceres Ciudad del Baloncesto
14 Bandera de Letonia E Geks, David 1.92 m (6 ft 3.5 in) – BK Barons Kvartāls
15 AP Rosa Pompido, Ignacio 2.04 m (6 ft 8.2 in) – Unicaja SD
Bandera de Estaos Xuníos d'América A Spieth, Steven 2 m (6 ft 6.7 in) – HKK Zrinjski Mostar
Entrenador

Javi Rodríguez

Ayudante(s)

Agustín Munarriz


Leyenda
  • (C) Capitán
  • (PE) Pasaporte européu
  • (CO) Alcuerdu Cotonou
  • (ca) Cantera
  • Injured Mancáu

Plantía
Fecha d'actualización: 4 d'ochobre de 2018

Cuerpu téunicu

El primer entrenador del equipu ye Javi Rodríguez (ex xugador profesional nel Baskonia, Xixón, Breogán, Fuenlabrada, Manresa o Bilbao y seleición española nel añu 2003), xunto con Alejandro González ya Agustín Munárriz son los entrenadores ayudantes; esti postreru ye tamién el preparador físicu del equipu.

Cantera

Al empiezu de la temporada 2014/15 el club contaba con 23 equipos partíos en toles categoríes del baloncestu federáu n'Asturies tantu en categoría masculina como femenina.[8]​ Nesi añu teníen 11 grupos d'escueles deportives partíos por dellos colexos d'Uviéu, sumando 150 neños qu'aspiren a convertise nel futuru del equipu. Anguaño cunten con unos 300 xugadores de cantera.

Ésitos

  • Campeón del Troféu Principáu: (5) 2011/12, 2016/17, 2018/19, 2019/20 y 2021/22
  • Campeón Copa de la Princesa d'Asturies de Baloncestu (segunda categoría): (1) 2016/17
  • Campeón LEB Plata (tercer categoría): (1) 2012/13
  • Campeón Lliga EBA (cuarta categoría): (1) 2009/10
  • Subcampeón Copa LEB Plata (tercer categoría): (1) 2012/13
  • Subcampeón Lliga EBA (quinta categoría): (1) 2007/08

Referencies

  1. ↑ Elena Casero (9 de xunetu de 2009). «El Oviedo decide no salir en la LEB Plata». La Nueva España. Consultáu'l 9 de xunetu de 2009.
  2. ↑ «El Feve Oviedo confirma su inscripción en LEB plata». La Nueva España (10 de xunetu de 2010). Consultáu'l 10 de xunetu de 2010.
  3. ↑ «FEVE Oviedo, el mejor de la Liga EBA». Federación Española de Baloncesto (9 de xunu de 2010). Consultáu'l 10 de xunetu de 2010.
  4. ↑ «Javi Rodríguez, nuevo entrenador del Oviedo Baloncesto» (castellanu) (30 de mayu de 2018). Consultáu'l 20 de xunu de 2018.
  5. ↑ Conceyu d'Uviéu. «Polideportivo Pumarín». Consultáu'l 20 de febreru de 2018.
  6. ↑ M. F. (16 d'agostu de 2009). El Comercio (ed.): «El polideportivo de Pumarín tiene que adaptarse a las normas de la liga» (castellanu). Consultáu'l 20 de febreru de 2018.
  7. ↑ Solobasket 4-11-2014
  8. ↑ «Cantera» (castellanu). Consultáu'l 20 de febreru de 2018.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.