Rexones metropolitanes

• 13 rexones (en fr. régions): Francia ta estremada en 13 rexones que s'atopen na metrópolis. Anque ye la división principal, Francia ye un país unitariu y les rexones nun tener autonomía llexislativa, sinón que reciben del estáu una parte consecuente de los impuestos nacionales que pueden disponer y partir según les sos necesidaes. Son rexíes por un Conseyu rexonal (Francia).
• 96 departamentos (en fr. départements): Son rexíos por un Conseyu Xeneral escoyíu por seis años per sufraxu direutu. Fueron creaos en 1790 con cuenta de toa persona pudiera dirixise nuna xornada de caballu a lo más a los sos representantes. Cada unu tien un prefeutu.
• 1 metrópolis (en fr. métropole): Coleutividá territorial con estatutu particular (metrópolis de Lyon).
• 322 distritos (en fr. arrondissements): Cada departamentu ta estremáu en dellos distritos, que tienen cada unu, 1 subprefecto. La so función ye ayudar al prefeutu del departamentu.
• 1995 cantones: Ye una división más pequeña, sobremanera a efeutos eleutorales.
• 36 529 comuñes: Equivalente al conceyu. Na ciudá de París, reciben el nome de arrondissements.
• Intercomunidades de Francia (en fr. intercommunautés): equivalente a una Mancomunidá, arrexunten dientro d'un mesmu departamentu a delles comuñes.

Rexones non metropolitanos

• 5 rexones d'ultramar (en fr. régions d'outre-mer o ROM): Guadalupe, Guayana Francesa, Martinica, Mayotte y Reunión.
• 5 departamentos d'ultramar (en fr. départements d'outre-mer o DOM), nesti casu coincidentes coles rexones. A partir de 2015, llamáronse DROM.

• 13 distritos (escluyendo Mayotte).
• 156 cantones (escluyendo Mayotte).
• 114 comuñes (escluyendo Mayotte).

• 5 coleutividaes d'ultramar (en fr. collectivités d'outre-mer o COM): Polinesia Francesa, Saint Pierre y Miquelon, Wallis y Futuna y (dende'l 22 de febreru de 2007) San Martín y Saint-Barthélemy.
• 1 coleutividá sui generis: Nueva Caledonia.
• 1 territoriu d'ultramar (en fr. territoire d'outre-mer o TOM): les Tierres Australes y Antártiques Franceses, estremaes en cinco distritos: les Islles Kerguelen, islles de San Pablo y Ámsterdam, les Islles Crozet, la Tierra Adelia y (dende febreru de 2007) Islles Esvalixaes del Océanu Índicu. Polo que respecta a Tierra Adelia, Francia robló, en 1959, el Tratáu sobre L'Antártida, la so soberanía ellí ta anguaño suspendida. Son alministraes dende la ciudá de Saint-Pierre, en Reunión, por un alministrador cimeru, asistíu por un secretariu xeneral. Les Islles Esvalixaes del Océanu Índicu tán alministraes pol prefeutu de Reunión.

• La Islla Clipperton, que foi sacada del dominiu públicu marítimu y ta inscrita nes propiedaes del Estáu. Ye una posesión francesa alministrada dende la Polinesia Francesa por un altu comisionado de la República, el so defensa ye responsabilidá de Francia.