Obrint Pas
Xéneru(os)	rock, ska rock (en) , hardcore punk, pop rock, fusión (es) y Ska
Sellu discográficu	Propaganda pel Fet!
Enllaces esternos
Sitiu web oficial	https://www.obrintpas.com/
Discogs	1280032
Facebook	20971782022
Twitter	obrintpas
[editar datos en Wikidata]

Obrint Pas nel conciertu Asturies nun escaez

Obrint Pas ye un grupu de música procedente de Valencia. La so música ye un amiestu d'estilos como rock, ska y reggae con melodíes ya instrumentos tradicionales ente los que rescampla la dulzaina. En dalgunos de los sos cantares traten custiones como l'independentismu catalán, la unidá territorial y llingüística de los nomaos Países catalanes y la defensa del so idioma.

Componentes

• Xavi Sarrià (guitarra y voz)
• Jaume Guerra (baxu)
• Robert Fernández (guitarra)
• Miquel Ramos (voz y tecláu)
• Marcos Úbeda (trombón)
• Ximo Tomàs Maki (bateria)
• Miquel Gironés (voz, percusión y dulzaina)
• Albert Benavent (trompeta)
• DJ Chola (scratch y bases)

Historia

Obrint Pas formóse nel añu 1993, cuando un grupu de collacios estableció contautu nel Institutu Benlliure de Valencia. En 1994, graben la so primer maqueta cola que participaron na fase final del III Tirant de Rock. Nos años posteriores, la banda participa en dellos festivales y concursos nos que van afitando'l so soníu. El primer discu oficial aporta en 1997 col nome de La revolta de l'ànima (EP compuestu por cinco cantares). Dempués vieno Obrint Pas (2000), el primer álbum del grupu, cola discográfica Propaganda pel Fet. La consolidación del grupu llegó con Terra (2002), un trabayu onde prueben suerte con nuevos estilos. Llueu grabaron La Flama (2004), col qu'algamaron proyeición n'otros países. En 2005 editen En moviment, discu en direuto grabáu nel conciertu que se celebró en Valencia,con motivu del 25 d'abril y n'homenaxe a Ovidi Montllor. Tuvo delles selmanes na llista de los 20 discos más vendíos n'España. Dempués d'una gran xira en 2006 col nome d'Internacionalista Tour, al añu siguiente Obrint Pas espubliza'l so cuartu álbum d'estudiu, Benvingut al paradís, nel qu'apaecen estremaes sonoridaes nueves a lo llargo de casi una ventena de cantares.

En payares de 2007, asoleyóse "Del Sud. El País Valencià al ritme dels Obrint Pas" (Editorial Mina), el primeru onde esti grupu tien un papel protagonista. Trátase d´un trabayu a mediu camín ente´l reportax periodísticu y el ensayu lliterariu que desplica los caberos quince años de historia del País Valenciano a nivel políticu, social y cultural, pente medies de les canciones y la trayeutoria del grupu. Los autores son los periodistes valencianos Antoni Rubio y Hèctor Sanjuan.

Discografía

Referencies

Enllaces esternos

• Páxina oficial del grupu