Artículu revisáu
Páxina inicial d'una de les comedies de Lope de Vega, col «dramatis personae» y l'entamu del testu.

Una obra de teatru o obra teatral ye una forma lliteraria de normal constituyida por diálogos ente personaxes y con un ciertu orde. La definición académica fai referencia en concretu al testu d'una «representación teatral», opcionalmente acompañáu d'acotaciones.[1]

A la d'escenificar la obra, los actores tienen de respetar el guión teatral, obra d'un dramaturgu. El direutor d'escena ye l'encargáu de que la obra se cinxa al guión, lo mesmo que de la direición de les actuaciones.

Historia

Orixe clásicu

N'occidente, les obres de teatru en sentíu tradicional, tienen el so orixe estructural na Grecia Antigua, en concretu nos ditirambo dionisíacos y la producción de los padres de la dramaturxa griega: Tosquilo, Sofocles, Eurípides y Aristófanes.

Evolución de la obra teatral

Nel sieglu XVIII, diéronse una gran variedá de comedies teatrales. El sieglu XIX vio la nacencia del drama románticu, un amiestu de comedia y traxedia. Esto demuestra l'actual xéneru lliterariu de la dómina, el romance, que s'opón al clasicismu. Tórnense populares los xéneros: el vodevil y el melodrama. A finales del sieglu XIX surde'l drama realista.

Xéneros

Ente los principales xéneros dramáticos: comedia, farsa, melodrama , traxedia , traxicomedia y pieza. Tamién pueden incluyise los xéneros musicales como la ópera, opereta y musicales puramente dichos, el balé y la danza, cuando nellos apaez aición dramatizada.

Referencies

  1. ↑ Gómez García, Manuel (1997). Diccionario del teatro. Madrid, Ediciones Akal, páx. 333. ISBN 8446008270.

Ver tamién

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.