.svg.png.webp){kind=small}
Coordenaes: 
5h 51m 29.369s, 39° 8′ 54.686″
Ni Aurigae o Nu Aurigae (ν Aur / 32 Aurigae / HD 39003) ye una estrella na constelación d'Auriga de magnitú aparente +3,97.[6] Alcuéntrase a 215 años lluz de distancia del Sistema Solar.
Ni Aurigae ye una xigante mariellu-naranxa de tipu espectral G9.5III (tamién clasificada como K0III) con una temperatura superficial de 4550 K. Ye una de les munches estrelles que, con temperatura y lluminosidá similares, funden heliu nel so nucleu. La so lluminosidá ye 163 vegaes mayor que la del Sol y, como xigante que ye, tien un radiu 20 vegaes más grande que'l radiu solar. Empezó la so vida hai unos 400 millones d'años como una estrella de tipu B8 para, 350 millones d'años dempués, escosáu'l hidróxenu nel so interior, abandonar la secuencia principal.[7]
Ni Aurigae tien una acompañante visual de magnitú +11,40 a 55 segundos d'arcu. Considerada una compañera óptica ensin rellación real con Ni Aurigae, tienen sicasí un movimientu común al traviés del espaciu. Si realmente tán físicamente rellacionaes, la distancia ente dambes sería de siquier 3700 UA, siendo nesi casu l'acompañante una nana naranxa de tipu K6.[7]
Referencies
- 1 2 Afirmao en: SIMBAD.
- 1 2 3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- 1 2 David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ Eva Grebel (11 febreru 2016). «SP_Ace: a new code to derive stellar parameters and elemental abundances» (n'inglés). Astronomy and Astrophysics: páxs. 2–2. doi:.
- ↑ Olin J. Eggen (1962). «Space-velocity vectors for 3483 stars with proper motion and radial velocity». Royal Observatory Bulletin: páxs. 79.
- ↑ 32 Aur -- Star in double system (SIMBAD)
- 1 2 Nu Aurigae (Stars, Jim Kaler)
