Nicanor de las Alas Pumariño y Troncoso
miembro de la Asamblea Nacional Consultiva (es) Traducir

10 ochobre 1927 - 20 marzu 1929 - José Cuesta Fernández →
miembru del Senáu español


Diputáu nel Congresu de los Diputaos d'España

Vida
Nacimientu Avilés[1], 29 de payares de 1870[1]
Nacionalidá España
Muerte 4 de xunetu de 1935[2] (64 años)
Estudios
Llingües falaes castellanu
Oficiu escritor, políticu, conservador (es) Traducir
Llugares de trabayu Madrid
Premios
Cambiar los datos en Wikidata

Nicanor de las Alas Pumariño y Troncoso (29 de payares de 1870, Avilés – 4 de xunetu de 1935) foi un escritor, políticu y abogáu asturianu.

Biografía

Foi fíu de Ramón de las Alas Pumariño y de Concepción Troncoso Suárez. Las so infancia trescurre n'Uviéu llugar al que la so familia se tresllada siendo neñu.

Estudia drechu na Universidá d'Uviéu nel edificiu históricu de la cai San Francisco. Llicénciase en 1891.

En 1895 abre un bufete d'abogaos n'Uviéu que tuvo funcionando hasta 1903. Con esti despachu llogren un gran prestixu n'Uviéu lo que fai qu'en 1903 se tresllade a Madrid pa exercer de políticu.

Xunto a la so actividá como abogáu ye articulista baxo'l seudónimu de «Tronzadillo» nel periódicu El Liberal Asturiano. Una vez fixada la so residencia en Madrid sigue unviando artículos a los periódicos asturianos enantando amás a collaboraciones con periódicos de Madrid.

N'abril de 1900 casa con Belén Montes Secades que muerre en 1922. En 1931 vuelve a casar con Amparo G. Duarte, avilesina fía del conocíu fotógrafu Ramón García Duarte.

Carrera política

En 1900 accede al cargu de secretariu lletráu del Bancu Asturianu d'Industria y Comerciu y inicia la so andadura política. En 1906 preséntase a les eleiciones pa diputaos a Cortes pol partíu lliberal obteniendo l'escañu por Ocaña (Toledo). Esti escañu sicasí nun lo pudo ocupar por mor del cambéu de gobiernu y la realización d'un nuevu sufraxu.

Ente 1907 y 1910 ye diputáu pol partíu conservador representando al conceyu de Miranda. Foi senador por Asturies y diputáu por Uviéu y Villaviciosa.

De magar 1914 ocupa estremaos cargos oficiales:

  • En 1914, direutor xeneral de Comerciu, Industria y Trabayu.
  • En 1915, direutor xeneral de lo Contenciosu del Estáu.
  • En 1916, miembru de la Xunta Central de Subsistencies.
  • En 1917, comisariu rexu de Pósitos.
  • En 1919, direutor xeneral de Comunicaciones.
  • En 1921 foi nomáu subsecretariu de Fomentu si bien nun toma posesión d'esti cargu.

La so carrera parllamentaria vese tarazada en 1923 pola dictadura del xeneral Primo de Rivera, si bien al pertenecer al partíu conservador xúntase a l'asamblea nacional dende Uviéu au treslladó la so residencia.

En 1927 ye nomáu presidente de la Diputación Provincial. Nesti periodu promueve l'Hospital-Manicomiu y la Casa de Caridá d'Uviéu.

En 1931 al instaurase la república abandona la política.

En 1933 ye nomáu vocal del Tribunal de Garantíes Constitucionales.

En 1934 sustenta'l cargu de xerente del Bancu Asturianu d'Industria y Comerciu. Demientres la Revolución asturiana la so casa ye incendiada y él ye deteníu mentanto la revuelta.

El rei Víctor Manuel III d'Italia condecorólu cola Gran Cruz de la Corona pol so llabor nel tratáu de comerciu de 1915.

Obra lliteraria

  • «Verdadero regionalismo asturiano», Uviéu, 1918.

Referencies

  1. 1 2 URL de la referencia: http://www.congreso.es/portal/page/portal/Congreso/Congreso/Iniciativas?_piref73_2148295_73_1335437_1335437.next_page=/wc/servidorCGI&CMD=VERLST&BASE=DIPH&FMT=DIPHXD1S.fmt&DOCS=8-8&DOCORDER=FIFO&OPDEF=Y&NUM1=&DES1=&QUERY=%281990%29.NDIP.. Data de consulta: 2 mayu 2020.
  2. ↑ Afirmao en: Diccionario biográfico español. Identificador DBE: 61084/nicanor-de-las-alas-pumarino. Apaez como: Nicanor de las Alas Pumariño. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
  3. ↑ Identificador del Boletín Oficial del Estado: BOE-A-1929-1414.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.