![]() | |
---|---|
![]() | |
Alministración | |
País | ![]() |
Estaos | ![]() |
Condáu | condáu de New Haven |
Tipu d'entidá | ciudá de los Estaos Xuníos |
Cabezaleru/a del gobiernu |
Justin Elicker (en) ![]() |
Nome oficial | New Haven (en) |
Nome llocal | New Haven (en) |
Códigu postal |
06501–06540 |
Xeografía | |
Coordenaes | 41°18′30″N 72°55′30″W / 41.3083°N 72.925°O |
![]() ![]() New Haven New Haven (los EE.XX.) ![]() | |
Superficie | 52 km² |
Altitú | 18 m |
Llenda con |
Hamden (es) ![]() ![]() ![]() ![]() ![]() ![]() |
Demografía | |
Población | 134 023 hab. (1r abril 2020) |
Porcentaxe |
15.5% de condáu de New Haven 3.72% de Connecticut 0.04% de Estaos Xuníos |
Densidá | 2577,37 hab/km² |
Viviendes | 49 051 (31 avientu 2020) |
Más información | |
Fundación | 1638 |
Prefixu telefónicu |
203 y 475 |
Estaya horaria | Horariu del este de Norteamérica |
Llocalidaes hermaniaes | |
newhavenct.gov | |
![]() |
![](../I/New_Haven_2020.png.webp)
New Haven ye una ciudá del estáu norteamericanu de Connecticut. Asítiase na badea de New Haven, na fastera septentrional del estuariu de Long Island Sound. La ciudá, que pertenez al condáu homónimu, forma parte del área metropolitana de Nueva York. Según el censu de 2010 tenía una población de 129.779 habitantes, que faen d'ella la segunda mayor del estáu tres de Bridgeport. La ciudá ye'l centru del área metropolitana nomada Gran New Haven (Greater New Haven), que tenía una población total en 2010 de 862.477 habitantes.
![](../I/Atwater1881_p10_Map_New_Haven_in_1641.jpg.webp)
New Haven foi la primer ciudá planificada d'Estaos Xuníos. Tres de la so fundación por puritanos ingleses en 1638 trazáronse ocho cais pa formar una rede cuadrangular con nueve cuadraos más pequeños: foi'l nomáu "plan de los nueve cuadraos" (Nine Square Plan). El cuadráu central ye'l nomáu New Haven Green, una plaza cuadrada arbolada, de 6 hectárees d'estensión, asitiada nel centru del downtown de New Haven.
La ciudá ye la sé de la Universidá de Yale, que ye'l mayor contribuyente n'impuestos y el mayor empleador de la ciudá, cola que ta perfectamente integrada. Na economía de la ciudá rescamplen, amás d'ella, los sectores sanitariu (hospitales ya industries biotecnolóxiques), los servicios a empreses (bufetes d'abogaos, consultoríes, márketing, arquitectura ya inxeniería), los servicios financieros y el comerciu.
La ciudá foi co-capital del estáu ente 1701 y 1873, cuando les instituciones de gobiernu foron treslladaes finalmente a la ciudá d'Hartford, más céntrica dientro'l territoriu de Connecticut. De magar, New Haven considérase a sigo mesma la capital cultural del estáu pola bayura de teatros, museos y llocales con música en directu qu'agospia. La ciudá tevo'l primer programa públicu de plantación d'árboles nes cais del país. De resultes, pasiando per ella vense bien de grandes árboles nes ceres: munchos d'ellos son negrillos, y d'ehí vien-y a la ciudá ún de los sos nomatos, La Ciudá de los Negrillos (The Elm City).