Neto
Vida
Nacimientu	Cangas del Narcea, 1960 (63/64 años)
Nacionalidá	España
Estudios
Llingües falaes	castellanu
Oficiu	historietista
Emplegadores	La Voz de Asturias  (1986 –  2012)
Premios	ver premiu Haxtur  (2002) premiu Haxtur  (2011)
Seudónimu/os	Neto

Ernesto García del Castillo (1960, Cangas del Narcea) ye un dibuxante, humorista gráficu, escritor y autor de cómic asturianu.

Entamó'l so llabor de dibuxante humorísticu na revista Xera, entamando un llabor más profesional nel diariu La Nueva España, cola so serie Pixi (publicada en tires diaries y en páxines dominicales). Primero, viera'l so primer dibuxu asoleyáu na renomada revista La Codorniz, en 1977. Collaboró en más de venti publicaciones, la mayor parte d'elles asturianes, anque tamién delles de difusión nacional, como La Golondriz, Cuadernos de Humor, El Siglo, El Periódico de Catalunya y otros periódicos del Grupu Z.

Ye tamién autor d'historietes cómiques. El so personaxe más conocíu ye Gladius, publicáu na revista Tapón, y darréu nun álbum (CH editorial, 2007). Como humorista gráficu'l so trabayu más bayurosu ye'l que fai nel periódicu La Voz de Asturias, onde dibuxa dende 1986 una tira diaria alrodiu de l'actualidá. Anguaño tamién collabora en Oviedo Diario, El Norte Económico y Les Noticies (éstes n'asturianu), arriendes de nes revistes El Correo y Creando Futuro. Tien publicaos dellos llibros y illustrao una trentena. Dende 1986 ye miembru correspondiente de l'Academia de la Llingua Asturiana. A la so xera d'humorista hai qu'amestar tamién la d'illustrador y la de diseñador gráficu. Nel so llibru Cuentos d'outros sieglos (CH Editorial, 2008) tamién se revela como escritor en llingua asturiana.

La so presencia foi reclamada en dalgunos de los acontecimientos sol humorismu entamaos fuera de les llendes d'Asturies, como la Muestra Internacional de Humor Gráfico de la Universidá d'Alcalá, el llibru antoloxía d'humoristes españoles Comunica con Humor, o la esposición y llibru Humoristas por la Libertad de Prensa, entamáu por Periodistas Sin Fronteras. En 2000 recibió de la UNICEF ún de los sos Premios de Periodismu por una tira publicada en La Voz de Asturias. En 2002 ganó l'Haxtur al Humor nel Salón Internacional del Cómic de Xixón. Nel 2009 recibe'l prestixosu Premiu Mingote de periodismu gráficu.

Bibliografía

• Cuentus de Nós (antoloxía VV.AA., 1983)
• Cangas del Narcea (1985)
• Pin cien sonrisas y algo más (1987)
• Aprendiendo a consumir (1993)
• Lola y Teo (1999)
• Ente llinies (2000)
• Nuestros paisanos (2002)
• Los nuesos paisanos (versión n'asturianu del anterior, 2002)
• Cangas del Narcea,guía del concejo y rutas (2002)
• Humor gráfico asturiano (catálogo de la exposición, 2002)
• El Humor del día a día, anuario 2004 (2005)
• Gladius (2006)
• Na punta la llingua, (2008)
• Cuentos d'outros sieglos (2008).

Referencies

Enllaces esternos