Nerva
Emperador romanu

96 - 27 xineru 98
← Domicianu - Traxanu →
Cónsul romanu


senador romanu

Vida
Nacimientu Narni[1], 8 de payares de 30
Nacionalidá Antigua Roma
Muerte Jardines de Salustio (es) Traducir, 27 de xineru de 98[2] (67 años)
Sepultura Mausoleo de Augusto (es) Traducir
Causa de la muerte causes naturales
Familia
Padre Marc Cocceu Nerva
Madre Octavia Sergia Plotilla
Fíos/es Traxanu
Hermanos/es Cocceia (en) Traducir
Pueblu dinastía Antonina (es) Traducir
Estudios
Llingües falaes llatín[3]
Oficiu políticu
Creencies
Relixón Relixón na Antigua Roma
Cambiar los datos en Wikidata

Nerva (Marcus Cocceius Nerva Caesar Augustus) (8 de payares de 30, Narni – calendario no especificado, se asume juliano (es) Traducir 27 de xineru de 98, Jardines de Salustio (es) Traducir) foi un emperador romanu, que gobernó l'imperiu ente 96 y 98. Foi coronáu emperador a los 65 años d'edá, dempués de toa una vida de funcionariu al serviciu del imperiu nos reinaos de Nerón y los emperadores Flavios. En tiempos de Nerón yera miembru del séquitu imperial, y xugó un papel destacáu nel descubrimientu de la conspiración de Pisón (añu 65). Más tarde, como bon servidor de los Flavios, foi cónsul romanu nos años 71 y 90, nos reinaos respeutivamente de Vespasianu y Domicianu.

El 18 de setiembre del añu 96 Domicianu foi asesináu como resultáu d'una conspiración na que taben involucraos miembros de la Guardia Pretoriana y dellos de los llibertos imperiales. Esi mesmu día Nerva foi declaráu emperador pol Senáu romanu, no que foi la primer eleición d'un emperador por esta asamblea. Nel so desempeñu como emperador llexisló pa restablecer les llibertaes que teníen sío eliminaes pol autocráticu emperador Domicianu.

El so reináu, breve, viose dificultáu polos problemes financieros del estáu y pola so poca habilidá pa imponer la so autoridá sobro l'exércitu romanu. Asina, una revuelta de la Guardia Pretoriana n'ochobre del 97 obligolu a adoptar un herederu. Tres dellos camientos decidió adoptar a Traxanu, un xeneral xoven y popular ente los soldaos, como'l so socesor. Tres de namái 15 meses nel cargu, Nerva morrió por causes naturales el 27 de xineru de 98. Sucediolu Traxanu, que lu elevó a la categoría de dios.

Magar que ye poco lo que sabemos de la so vida, los historiadores antiguos consideren, en xeneral, a Nerva como un emperador sabiu y moderáu. El so mayor ésitu, quiciás, foi consiguir una transición pacífica del poder tres de la so muerte, dando asina aniciu a la dinastía Nervo-Antonina.


Predecesor:
Domicianu		 Emperador romanu
96 - 98		 Socesor:
Traxanu

Referencies

  1. ↑ «Nerva» (en rusu). Real'nyj slovar' klassicheskih drevnostej po Ljubkeru.
  2. ↑ «Nerva» (en rusu). Real'nyj slovar' klassicheskih drevnostej po Ljubkeru.
  3. ↑ «idRef» (francés). Agencia Bibliográfica de Enseñanza Superior. Consultáu'l 20 mayu 2020.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.