Primeros años

Harris nació en Albuquerque, Nuevu Méxicu, y creció en Ruidosu (Nuevu Méxicu). Los sos padres, Sheila y Ron, teníen un restorán. Estudió en La Cueva High School en Albuquerque y participó viviegamente n'actividaes de la escuela y en teatros musicales. Graduóse con honores en 1991.

Vida profesional

Actuó en Daqué casi perfectu (2002) como David, el noviu del personaxe interpretáu por Rupert Everett. Amás, realizó un cameo en Will y Grace como daquién que se dedica a convertir a los homosexuales n'heterosexuales y termina per afayar que realmente-y gusten los homes.

Xunto a Anne Heche protagonizó en Broadway Proof (2002) y un añu más tarde interpretó al Maestru de Ceremonies en Cabaré, xunto a Deborah Gibson y Tom Bosley. En 2004 interpretó a un asesín en serie en Law & Order: Criminal Intent y asonsañóse a sigo mesmu en Harold and Kumar go to White Castle.

Dende How I Met Your Mother hasta l'actualidá

La vida d'esti actor camudó en 2005 con How I Met Your Mother, serie na qu'interpreta a Barney Stinson.

Neil nos Streamy Awards.

En 2009 presentó la gala de los premios Tony, tantu del teatru como de la televisión, y tuvo nomáu pol so papel de Barney Stinson como Meyor actor secundariu nuna serie de comedia. Foi esi mesmu añu cuando fixo'l númberu d'apertura na gala de los Óscar. Y, en 2010, ganó dos Emmy. En 2011 foi-y concedida estrellar númberu 587, na categoría televisión, nel paséu de la fama de Hollywood.^[3]

Vida personal

Neil Patrick Harris declaróse públicamente gay el 4 de payares de 2006, al traviés de la revista People,^[4] afirmando lo siguiente:

La mirada pública siempres foi atenta conmigo y, hasta apocayá, fui capaz de vivir una vida bastante normal. Agora paez qu'hai especulación ya interés sobre la mio vida privada y rellaciones. ... allégrame estenar cualquier rumor o tracamundiu y toi verdaderamente arguyosu de dicir que soi un home gai satisfechu cola mio situación y viviendo una vida plena, y siéntome entá más afortunáu por trabayar con xente maraviyoso nel oficiu qu'amo.

La prensa sensacionalista rellacionó sentimentalmente a Harris col actor Max von Essen, pero nunca foi confirmáu. L'actor salió al pasu aludiendo a aquellos que publiquen les sos opiniones ensin siquier falar conmigo. Per otra parte, en setiembre de 2007 allegó a los premios Emmy col so noviu David Burtka. El so novialgu foi confirmáu mientres una entrevista en The Ellen DeGeneres Show. N'agostu de 2010 anunció vía Twitter qu'él y la so pareya seríen padres de mellizos na seronda. Los mellizos, Gideon Scott, un varón, y Harper Grace, una neña, nacieron el 12 d'ochobre de 2010.^[5]

N'agostu de 2014, dempués de 10 años de rellación col tamién actor David Burtka casóse nuna ceremonia íntima celebrada n'Italia, a la cual solo asistieron amigos y familiares cercanos.^[6] Cuntaron la presencia de Elton John, quien amenizó la receición.

Televisión

Series d'animación

Películes

Teatru

• A Snow White Christmas (2011)
• Rent
• Assassins (2004)
• Cabaré (2003)
• Proof (2002)
• Sweeney Todd, the demon barber of Fleet Street In Concert (2001)
• Hedwig and the Angry Inch (2014)

Internet

• Dr. Horrible's Sing-Along Blogue (3 episodios, 2008)

Videoxuegos

• Saints Row 2 (2008) - Veteran Child (Voz)
• Eat Lead: The Return of Matt Hazard (2009) - Wallace "Wally" Wellesly (voz)
• Spider-Man: Shattered Dimensions (2010) - Spider-Man (voz)
• Rock of the Dead (2010) - Voces
• Saints Row IV (2013) - Veteran Child (voz)