Natasha Lyonne
Vida
Nacimientu	Nueva York[1], 4 d'abril de 1979[2] (44 años)
Nacionalidá	Estaos Xuníos Israel  (1989 - [3]
Residencia	Nueva York
Grupu étnicu	asquenazí Judíos de Israel (es)
Estudios
Estudios	Ramaz School (en) Tisch School of the Arts Miami Country Day School (en)
Llingües falaes	inglés d'Estaos Xuníos inglés hebréu hebreo moderno (es)
Oficiu	actriz de cine, actriz, actriz de xéneru, actriz de televisión, actriz de voz, presentadora, guionista, showrunner, productora de televisión, direutora de cine
Premios	ver TCA Award for Individual Achievement in Comedy  (2023) : Poker Face (serie de televisión) (es) [4]
Creencies
Relixón	xudaísmu Xudaísmu ortodoxu
IMDb	nm0005169

Natasha Bianca Lyonne Braunstein (4 d'abril de 1979, Nueva York) ye una actriz d'Estaos Xuníos de cine y televisión.

Vida

Natasha Lyonne Braunstein nació en Nueva York, siendo la fía de la Sra. Yvette Lyonne, una consultora de llicencies de productos, y Aaron Braunstein, natural de Brooklyn, que trabayaba como promotor de boxéu. Lyonne crióse nun llar xudíu ortodoxu y vivió n'Israel cola so familia mientres la so infancia; los sos güelos maternos yeren sobrevivientes del Holocaustu. Cuando los sos padres divorciáronse, Lyonne treslladóse a Nueva York a vivir cola so madre y el so hermanu Adán nun apartamentu d'un cuartu. En Nueva York, los Lyonne asistieron a Ramaz, una escuela privada xudía. La so madre treslladóse a Miami, onde Lyonne asistió y graduóse na Miami Country Day School.

Carrera

Lyonne empezó a actuar a una edá temprana col so primer papel como "Opal" de Pee-wee's Playhouse. Apaeció na película A Man Called Sarge (1990) mientres la so estancia n'Israel.

Lyonne ye quiciabes meyor conocida polos sos papeles nes dos primeres películes d'American Pie onde interpretaba a Jessica. Apaeció en más de 30 películes, incluyendo papeles protagonistes nes películes independientes Slums of Beverly Hills y But I'm a Cheerleader.

Lyonne tamién apaeció en Party Monster en 2003, una dramatización de la hestoria d'Alig Michael. Interpretando a Brooke, Lyonne púnxose un traxe de grasa. Tamién desempeñó'l papel d'una bióloga ciega en Blade: Trinity. Dempués d'una posa enllargada, Lyonne volvió con Goyband.

En xineru de 2008, apaeció nuna obra de Broadway, Two Thousand Years. Lyonne trabayó nel thriller 13 (2010), xunto a Mickey Rourke, Ray Liotta y Jason Statham. Anguaño interpreta unu de los principales personaxes na serie de Netflix Orange Is the New Black

Vida personal

Lyonne salió col actor Edward Furlong, a quien conoció nel set de Detroit Rock City, de 1998 a 2000. Trabó amistá col actor Michael Rapaport, en 1997 y más tarde arrendó un apartamentu nun inmueble de la so propiedá nel este de la cai 18. El cantante y ex vecín Rufus Wainwright escribió un cantar sobre ella llamáu "Natasha" incluyíu nel so álbum de 2003 "Want One".

N'agostu de 2005, el New York Post informó de que Lyonne taba nel Centru Médicu Beth Israel en Manhattan con un seudónimu, y llevaba ellí más d'un mes dempués de ser treslladada dende l'hospital Bellevue. Supuestamente sufría d'hepatitis C, una infeición del corazón y un pulmón colapsáu. Tamién foi oxetu de tratamientu con metadona.^{[ensin referencies]}

N'avientu de 2006, Lyonne compareció énte'l tribunal pa enfrentase acusaciones de 2005. Un xuez sentencióla a llibertá condicional. De magar aquella, fizo cuatro películes.

Filmografía

Referencies

Enllaces esternos

• Wikimedia Commons acueye conteníu multimedia sobre Natasha Lyonne.
• Natasha Lyonne na Internet Movie Database (n'inglés)