 Morelábor | |||||
|---|---|---|---|---|---|
.jpg.webp) | |||||
| |||||
| Alministración | |||||
| País |  España | ||||
| Autonomía |  Andalucía | ||||
| Provincia | .svg.png.webp){kind=small} provincia de Granada | ||||
| Tipu d'entidá | conceyu d'España | ||||
| Alcalde de Morelábor | Miguel Sánchez | ||||
| Nome oficial | Morelábor (es)[1] | ||||
| Códigu postal |
18540 | ||||
| Xeografía | |||||
| Coordenaes | 37°26′23″N 3°19′55″W / 37.439722222222°N 3.3319444444444°O | ||||
  Morelábor Morelábor (España)  | |||||
| Superficie | 38.56 km² | ||||
| Altitú | 1090 m | ||||
| Llenda con | Gobernador, Pedro Martínez, Huélago, Darro y Píñar | ||||
| Demografía | |||||
| Población |
585 hab. (2023) - 329 homes (2019) - 278 muyeres (2019) | ||||
| Porcentaxe |
0% de provincia de Granada 0% de Andalucía 0% de España | ||||
| Densidá | 15,17 hab/km² | ||||
| Más información | |||||
| Estaya horaria | UTC+01:00 | ||||
| morelabor.es | |||||
 | |||||
.svg.png.webp){kind=small}
Morelábor ye un conceyu español asitiáu na parte meridional de la contorna de Los Montes, provincia de Granada, comunidá autónoma d'Andalucía. Ta integráu poles llocalidaes de Moreda y Laborcillas. Llenda colos conceyos de Gobernador, Pedro Martínez, Huélago, Darro y Píñar. Llocalidaes cercanes a Moreda son Bogarre y Torre-Cardela.
La Estación de Moreda ye unu de los más importantes nuedos ferroviarios d'Andalucía Oriental,[2] onde conflúin les llinies que vienen de Granada y Almería, pa dirixise yá xuntes dende ende escontra Linares y Madrid.
Historia
Moreda y Laborcillas fueron dos conceyos independientes hasta que, en 1974, fundir n'unu solu llamáu Morelábor, recayendo la capitalidad municipal nel nucleu moredano. La so denominación vien de la unión de los dos primeres sílabes de los nomes de dambes poblaciones.
Los xacimientos arqueolóxicos atopaos —nel Cuetu de los Castellanos, o na paraxa de Los Araxales, ente otros— documentan l'antigüedá de los primeres asentamiento humanos na zona en más de 5.000 años. La hestoria del actual enclave de Moreda y Larbocillas naz na dómina árabe.
Foi tomada polos Reis Católicos en setiembre de 1485. Al igual que toles tierres de la redolada de Guadix, Moreda entró tamién na repartida realizada polos Reis Católicos ente los caballeros que más se destacaron na última fase de la Reconquista cristiana, correspondiendo nesti casu a los Contreras Benavides; de magar, la zona siempres tuvo en manes de terratenientes. Nos últimos dos sieglos la propiedá del pueblu y tol so territoriu perteneció de forma casi feudal al Marquesáu de la Motilla, al qu'inclusive había que pidir autorización pa l'apertura de nueves ventanes o puertes, y que mientres delles décades tuvo a la llocalidá constreñida nes sos mesmos llendes al nun apurrir tierres pa la construcción de nueves viviendes. Ésa foi la razón que llevó en 1987 a la corporación municipal a espropiar por decretu delles parceles del antiguu señoríu, que los sos primeros cinco mil metros cuadraos fueron ocupaos simbólicamente pol conceyu pa construyir les nueves escueles de la población.
En 2008 l'entós alcalde de Morelábor, Joaquín García Ramos (PSOE), pidió públicamente al traviés d'un bandu que los vecinos de Laborcillas sofitaren el so independencia de Moreda.[3]
Política
Los resultaos en Morelábor de les postreres eleiciones municipales, celebraes en mayu de 2011, son:
| Eleiciones Municipales - Morelábor (2011) | ||||
| Partíu políticu | Votos | %Válidos | Conceyales | |
| Partíu Popular (PP) | 313 | 55,89% | 4 | |
| Partíu Socialista Obreru Español (PSOE) | 244 | 43,57% | 3 | |
Cultura
Tradiciones
La nueche de San Antón, el 17 de xineru, caltiénse la tradición de prender numberoses fogueres pa pasar alredor d'elles unes hores de convivencia ciudadana mientres les que se come y bébese.
Fiestes
Nel segundu fin de selmana del mes d'agostu tien llugar nel nucleu de Moreda la llamada Feria de Branu n'honor de la Santa Cruz, y una selmana dempués, dedicada a San Xosé, en Laborcillas.En laborcillas alredor del 19 de marzu tienen llugar les sos fiestes patronales y en Moreda tienen llugar del 1 al 4 de mayu destacando percima'l día 3 que ye'l día grande pa tolos moredanos.
Ver tamién
Referencies
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ morelabor.es. «Información básica sobre'l conceyu de Morelábor el la páxina web del so Conceyu» (castellanu).
- ↑ laopiniondegranada.es (10 d'agostu de 2008). «El bandu de la independencia» (castellanu).
Enllaces esternos
Wikimedia Commons acueye conteníu multimedia sobre Morelábor 
.
- Páxina web del Escelentísimu Conceyu de Morelábor
- Microweb turística de Morelábor realizada pol Patronatu de Turismu de Granada
| Noroeste: Píñar y Gobernador | Norte: Gobernador | Nordeste: Gobernador y Pedro Martínez |
| Oeste: Píñar |  |
Este: Pedro Martínez y Huélago |
| Suroeste: Píñar y Darro | Sur: Darro | Sureste: Huélago |
