| Patrimoniu de la Humanidá — UNESCO | |
|---|---|
 Ríu y Monte Wuyi. | |
| Llugar |
 China |
| Criterios | Mixto: iii, vi, vii, x |
| Referencia | 911 |
| Inscripción | 1999 (XXIII Sesión) |
| Área | Asia y Oceanía |
 | |
El monte Wuyi (chinu: 武夷山, pinyin: Wǔyíshān) ye un monte asitiáu na prefeutura de Nanping, nel norte de la provincia de Fujian, en China. Algama un altor de 650 msnm, siendo la rexón bien conocida pol té Wuyi Yancha.
El monte Wuyi foi declaráu pola Unesco como reserva de la biosfera en 1987 y como Patrimoniu de la Humanidá n'avientu de 1999, con una área protexida de 60 km² y una zona de respetu de 999,75 km².
Fauna y flora
El monte Wuyi ta cubiertu por selves primitives sub-tropicales, razón pola que convirtióse n'abellugu de fauna y flora montesa, con 3.728 especies de plantes y 5.110 d'animales.
El valle de Guadun tien unos 1.300 m d'altitú y unos 500 m d'anchor. En 1873, un padre francés conocíu como David pasó per él y recoyó muestres d'una serie de páxaros y mamíferos, espublizando la conocencia del valle de Guadun. Tres lo que llegaron ingleses, americanos y alemanes. Nun periodu d'unos cien años, afayáronse más de 600 especies nueves d'animales na rexón del monte Wuyi, y, namái en Guadun, catalogáronse 62 especies de vertebraos.
El monte Wuyi tamién ye'l reinu de los inseutos con 4.635 especies rexistraes y designaes, de les que más de 200 son caparines. Según estos datos, de les 12 muestres d'un tipu de caparina, 11 son del monte Wuyi. Dazufeng, ye una selva de bambú dientro del monte, constitúi'l hábitat d'inseutos. Según informóse, coyéronse millones de muestres, de les que más de cien son nueves especies. Dientro de les 32 series d'inseutos, 31 son de Wuyi. Pa los especialistes, Wuyi ye l'ayalga de los inseutos.
Ver tamién
Referencies
Enllaces esternos
Wikimedia Commons acueye conteníu multimedia sobre Monte Wuyi.
| Control d'autoridaes |
|
|---|
Datos: Q207692- Multimedia: Wuyi Mountains